منتدى بريدة - حملة - طفشان تعال

السلام عليكم ، ورحمة الله وبركاته ،،

*
*

أخي العزيز/ أختي العزيزة

*
*

تحس احيانا بأنك متضايق ، طفشان تكره حياتك والارض اللي تمشي عليه من الضيقة ؟
*
*
دورت شي يضيع الطفش ولا حصلت ومهما سويت ترجع لنفس الحالة؟

*
*

تبي علاج سريع يغير حياتك

*
*

وفي ثواني

*
*

لا .. لاتحكم قبل تجرب والله انه علاج وفعال باذن الله

*
*

مفعوله عجيب سبحان الله

*
*

ماراح اقول لك السر .... انت بنفسك تحكم بس بشرط
بشرط واحد بس ... ابيك تصدق مع الله سبحانه ومن كل قلبك تطبّق الطريقة

*
*
كلها ثلاث خطوات

*
*

الخطوة الاولى

*
انسف الدنيا ورا ظهرك لو فيها خير ماسببت لك طفش وهم وضيقة وابيك تحتقر الدنيا الا من رحمة الله

*
*

الخطوة الثانية
*
استشعر عظمة الله سبحانه وتعالى امامك وتخيل مدى حجمك للغرفة اللي انت فيها -- للحارة
-- للمدينة -- للدولة -- للشمس -- للمجموعة الشمسية -- للسماء الدنيا
طيب حجمك امام الله سبحانه ؟؟ يا الله سبحانه ما أعظمه
*
الله سبحانه يراك ويسمعك الان
*
أَلَمْ يَعْلَمْ بِأَنَّ اللَّهَ يَرَى [العلق : 14]

*
*

قبل الخطوة الثالثة لاتنسى الشرط شرط الصدق مع رب العالمين سبحانه لانك راح تناجيه

*
*

الخطوة الثالثة
*
خذ نفس عميييق من كل قلبك وبقلب صادق وحاضر تناجي الله سبحانه وتعالى اللي يسمعك وانت تقول

*

لااله الا الله بنفس عميق

*

لااله الا الله

*

لااله الا الله

*

لااله الاانت سبحانك اني كنت من الظالمين

*

لااله الاانت سبحانك اني كنت من الظالمين

*

يارب ضاق صدري من ذنوبي

*

يارب اشرح صدري

*

يارب اغفر لي

*

مالي غيرك يارب

*

سبحانك مااعظمك

*

اشهد ان لا اله الا الله واشهد محمد رسول الله

*
*
*
كرر الطريقة عدة مرات ماتاخذ ثواني

*
*
*

الله اكبر حسيت بالراحة بصدرك
*
حسيت بالطفش راااااح
*
ودك عينك تدمع
*
شعور عجيب
*
وش كثر ارتحت ؟ راحة تسوى الدنيا ومافيها
*
مع انه عندك ذنوب لكن ربك سبحانه ماتخلا عنك
*
تدري ليه
*
لانك ذكرت الله سبحانه بقلب صادق
تأمل معي
*
الَّذِينَ آمَنُواْ وَتَطْمَئِنُّ قُلُوبُهُم بِذِكْرِ اللّهِ أَلاَ بِذِكْرِ اللّهِ تَطْمَئِنُّ الْقُلُوبُ [الرعد : 28]
*
كيف لو صدقت مع الله سبحانه في طاعتك وصلاتك واتباعك لحبيب عليه الصلاة والسلام
*
كيف لو جربت حلاوة التوبة -- راح تحس حياة الجنة وانت تمشي على ظهر الارض
*
الا بذكر الله تطمئن القلوب
*
الى هنا انتهت الطريقة المستنبطة من هذه الايةالكريمة طبقها كل ماضقت بك الدنيا وبكل وقت
*
تكفى انشرها كثير اللي محتاجين لذكر الله سبحانه وشرحة الصدر واحتسب الاجر