|
الثكنة العسكرية بمجمع الأمير سلطان ببريدة
ياقلبي يالصغارين بالمجمع والله ارحمهم
ياحول معذبينهم كل شي نظام وممنوع ممنوع البدلة لازم ثوب والبدنية مسموح اخضر ( ليش الجينز ممنوع ) هم صغارين يعني عادي واكيد المدرسين عيالهم يلبسون بالبيت جينز وممنوع الشعر لازم تقصه وممنوع الاكل وسط المدرسة لازم بالفسحة بالساحة الخارجية وممنوع تطلع برا الفصل وممنوع تلعب وممنوع تسولف وممنوع تضحك مع صديقك وممنوع تقول أي شي لمدرس يعصب ويهاوش وممنوع تسوي كل شي وممنوع بالصلاة تتحرك لازم تصف مثل الطابور واي شي يسجلونه النظام ويعاقبهم استاذ ولويلعبون بالصلاة او يطلعون صوت خلاص محرومين من البدنية تحياتي لكم،، |
وشوله تدخله بالمجمع أصلن .. عندك هالمدارس الأهلية , وناااسة
|
ما بقى الا يقولون ممنوع تتنفس ...
الله يعينهم طلاب المجمع |
لا تتطاولون على المجمع
وتقولون شيئا لم يحدث اصلا |
قدمت شهادة تميز للمجمع
فالكل يشيد بالانضباط ويطالب فيه ومتوقعين المجمع لعب لأنهم عيال نعمه أثر السالفة جد |
[اقول شايفن مدرستنا الي مايجيب بدله اخضروابيض مافي لعب كوره ]
|
عآآآآآآآآآآآآآدي
شي معروف وقديــــــــــــم المدرسه يعني نظام وانضبــاط والاوشلون بيصيرعندنا جيل فاهم ونظامي وهذا راي اولياء الامور ثكنه عسكريه ,,,,هذا هو المفروض شكرا لك تقبل مروري |
الا أهم شي التعليم ماشي مضبوط
|
وكل ذلك لم ينفع منذو سنين .. وعيا ل المدرسين هم النظام وهم اللي يقبلهم الكمبيوتر
عند التسجيل ويتذيهنون علينا ما يسجلون عيالهم الا بعد اسبوع من الدراسه تصدق نشبه اليابان بالنظام واحترامه بس هم اصغر عيون هههه |
ما ألومك ياعاشق لأن هذا الإنضباط أو الثكنة العسكرية كما تقول غريبة على المجتمع الذي تعود على
الفوضاء وعدم التقيد بالنظام نحن نعمل في الميدان ونرى كثير من السلبيات من قبل الطلاب لا يحكمها إلا النظام أنت تتعامل مع 300 أو 400 طالب في ساعات محدودة لو تركت الحبل على الغارب لأريت العجب يجب أن ننصف العاملين في المجمع أوغيره وليعلم الجميع أن المدرسة ليست مكان ترفيه أوجبر خاطر طالب وفق بوالد يلتقط الزلات وإنما هي مكان علم وتعلم وأنضباط وأخلاق رضي من رضي وكره من كره ............... |
[align=center]ياحليلك أجل تبيهم يسمحون بالجنز وقصات الشعر واللعب بالصلاة ...!!!!!!!!
الله يستر لايجي أحد ويقول ليش ممنوع لبس طيحني وسامحني يابابا ..!!! بعض الناس غرابيل ..!!!!!!!![/align] |
اقتباس:
المدارس الاهلية تحوسهم |
واله انك صادق لو تلمس ايدك منوع كل شي منوع وكلوه تسيب
|
اقتباس:
تسيب في تسيب جيدين على هالضعووووووووووووووف |
مجمع الأمير سلطان للمتفوقين ببريدة
واجهة تربوية مشرقة لبريدة تربية وتعليم وتميز في الطرح بطرق تربوية ملائمة للمجتمع ابني هذا العام فيه بالصف السادس وماذكرهو عين التربية والصواب هذا مايجعل القبول في المجمع صعبا والفصول مزدحمة رجال حملو هم التربية والتعليم فكانت النتائج مضرب مثل شكرا لمجمع الامير سلطان ( الصفوف العليا ) معلمين واداريين ابنكم يامن تطالبون له بالشعر ولبس الجينز يحتاج لرجال مثل الاستاذ سعد الراجي والاستاذ عبدالعزيز الشايعي والاستاذ عبدالرحمن الوابلي حتى يتم توجيهه ونصحه والرسول صلى الله عليه أمر بالضرب للصلاة لعشر سنوات وطلاب المجمع اصغرهم بصف رابع وعمره عشر سنوات فياليت تكثفون جهودكم ونجن معكم قلبا وقالبا هناك من يطالب بالفوضى والانحلال التربوي والتعليمي وهم كثر في زماننا ولو جميع المدارس تعمل نصف مايقوم به مجمع الامير سلطان لمارأينا وضع وحال عدد كثير من شبابنا واصلو يامجمع الامير سلطان لكم مني شهادة كأب لطالب في السادس ابني لم يستفد طيلة دراستة مثل استفادته هذا العام وبحق اتمنى من ادارة ومعلمين بمدرسة المنتزة ( الصفوف الاولية ) ان يسيروا على طريقة زملائهم بالمجمع في الصفوف العليا |
| الساعة الآن 06:12 pm. |
Powered by vBulletin® Version 3.8.8 Alpha 1
Copyright ©2000 - 2025, vBulletin Solutions, Inc. Trans by
موقع بريدة