قبل رمضـــان يـازوار المنـــــتــدى ....تفضلــــــــوا
 

نبى قبل رمضان نوحد موضوعنا فى خدمة منطقتنا نبى كل واحد يكتب مايتمناه من امانة بريدة مطالباتة او اقترحاتة او ايضاح السلبيات دون ذكر اشخاص اوتجريح فى احد نبى الموضوع للفائدة ونحن مقبلين على رمضان .بعد هذا الموضوع يكون موضوعنا عن مستشفياتنا . بعدة يكون عن المرور لاننا مقبلين على زحام فى العيد كل موضوع له سبع ايام. نبدا بالامانة .
مثال الحدائق اقتراحتك ـــالشوارع ـ المحلات ـ الانارة فى الشوارع

هل من جديد سوف يـكون !!!!

أتمنى ذلك من الأمــانة وذلك بعمل جسر للمشـاة أمام أسواق النخيل بلازا

أتمنى من المـرور عـمل خطة محكمة لتخفيف الزحام على شـارع الصناعة

أتـوقع أن هنــاك ليس جديد سوف يكون

دمت بود

اتمنى الامانه وضع حدائق في الشقة وملاعب ووضع مرافق وياتون يناظرون

للحفر والمطبات كان الشقه ليست من بريده وهي مدخل للقادم من حائل ماذا يقول الزوار؟؟؟ وما فائدة مشروع الكهرباء الذي انشى قبل ايام قليله فيها بس ازعاااااااااج

كذا؟؟ تصدقون حتى صرافه مافيه اقرب صرااافه ,, صرافة المعارض؟؟ ولا المطاعم
اللي يشوفها يقول البيك مافيه مراقبه مافيه تنظيم بس بلدية الشقة اكل ونوم؟؟
مع ان الحكومه ايدها الله ماقصرت بشي تحياتي

شـكــ وبارك الله فيك ـــرا لك ... لك مني أجمل تحية

اتمنى من الناس ان تترك المرور والامانه على جنب وتستمع لي قبل ما ترمون بلاكم على الادارات الحكوميه اليكم نشرة الاخبار
1-سيكون يوم السبت القادم باذن الله01/09/1430هـ دخول شهر الصيام وكل واحد منا يدري وش يبي من مقاضي برمضان لذلك انصحك بالاتي
أ-اكتب احتياجاتك بورقه علشان ماتمشي وتضف اشيا تبيها واشيا ما تبيها ولا تنسى تشتري رز كثير علشان تودي زكاة الفطر منه علشان ماتروح ليلة 27 تشري فطره
ب-رح الصبح للسوق وضف اللي انت تبي براحة تامه بدون زحمات ماله داعي تزاحم الناس العصر والا بالليل خاصة اللي حاطين السوق منتجع لجميع الاسرة لو يبون بصل راحو كلهم للعثيم
ج- خل المدام تربص با لبيت ما له داعي تاخذها معك وانت تبي تشتري شوربه ومكرونه وتوت خلها للمهات الصعبه الله يحفضها
2- في تاريخ 01/10/1430هـ سيكون عيد الفطر المبارك باذن الله لذلك عندما تستلم الراتب يوم 20/09/1430هـ الله يطرح فيه البركه قل للمدام تراني مخليكي للمهمات الصعبه لبسك ولبس الاولاد للعيد يالله شدي حيلك وتولمي بعد صلاة الظهر وسيدا للحسون او مبارك ستايل واشدد بعد الظهر لتحصيل عدة فوائد اولها تختار على كيفها ماعندها احد الا اخوانها اللي سمعو هذه النصيحه
وارجو من عنده توصيات مفيده غابت عن بالي ان يكتبها لعل الله ينفع بها
للعلم هذه النصائح خاصه بالجانب الدنيوي واما الاستعداد الصحيح لرمضان واغتنام هذا الموسم بالطاعات فهو اكبر مني لكن احيلكم الى موضوع في هذا المنتدى كتبه احد الاخوان عن الاستعداد لرمضان جعلنا الله واياكم ممن يستفيد من هذا الشهر بزيادة رصيده من الحسنات امين

انا اقول ماتلاحضون كل المناطق مشغلين انوار الشوارع ومنورة حتى عنيزة الا بريدة مظلمة وحدة مشغلة وحدة مطفية بالدائرى والشوارع الرئسية علشان يقتصدون والانوار شكلهن واحد تقل مابالدولة غيرهن عطونا اشكال جديدة شوفوا حايل المخطط الجديد على اليسار.