((جهل بعض موظفات مدينة الاسره الترفيهيه))
 

يبدو ان بعض موظفات مدينة الاسره الترفيهيه من الجاليه السودانيه يعتقدن انهن في غرفة النوم فلا يترددن باطفاء الانوار جميعها ودفعة واحده مما يترتب عليه الاتي:
1-احتمال حصول سرقات
2-حصول بعض التصرفات غير الاخلاقيه
3-صعوبة البحث عن الاغراض الشخصيه حتى يتمكن الضيوف من مغادرة المكان
اولا يجب تحديد موعد الاغلاق مسبقا والتنبيه عليه من خلال مكبرات الصوت قبل وقت كاف حتى يتمكن الضيوف من المغادره
ثم ان المعاملة الحسنه امر مطلوب فقد رايت كثير من القريبات يبدين امتعاظا من تعامل بعض الموظفات (( السودانيات ))
ثم ان اغلاق الانواريتم بالتدريج وليس دفعة واحده
هنا اود من المسؤل عن المدينه النظر في هذه الامور ومعالجة الاخطاء حتى لايخسر
الزائرين ................

ليش كذا مافي احترام للزووار
لابد من التدرريج وتحسين الاسلللووووب ..

والله في رجال او بالاصح اشباه رجال احد يخلي زوجته الا الساعه 2 بحديقه

ونقول وش الي يجيب البلاوي هذي والمشاكل

التعامل وروعة الاسلوب هي اروع تجارة بين البشر من المفترض ان من يعمل بهذه الاماكن ان يسبق له التاهيل في دورات تدريبيه في فن التعامل مع الغيروما يتطلبه الميدان من ابجديات الحوار .

كرررررررررررررررررره اكرهن كم مرررررررررره اتهاوش معهن <<<عن بعد طبعن خخخخ

اتوقع يالله يالله يتقلقن (يتحركن) الحريم:)
ومو مضطرات العاملات ينتظرن ويتركن بيوتهن وزيادة على وقت دوامهن
المفروض يكون فيه وعي عند الزائرات انه فيه وقت ولازم يلتزمون فيه..
شكرا لك ابن بريدة..

كلام سليم
الله يعطيك العافية
فالاعتراض ليس على المواعيد ولكن على الأسلوب الذي لايخفى على جميع من يرتاد هذه الأماكن وغيرها من المنتزهات الخاصة بالنساء

اسلوب غير حضاري

الصراحه اسلوبهم زفــــــــــــــــــــــــــــت واذا على الدوام يحطون مناوبات الحين عطله والعام بتنبسط.... والملاهي باااااااااااااااااايخه مافيه تغيير او تجديد هي هي من 10 سنوات اللي زاد ( لعبه ونطاطه وكوفي شوب ) واسعااار نار على ايش ......الثيل اليابس او الكراسي المتكسره او المحلات اللي مكيفتهن عطلانه وبضاعتهم خااااااااااااااايسه او العاملات المحترمات اللي يفتحون النفس ...علموهم ادب التعامل ,لبسهم زي نظيف ومحترم, حطوا هدايا يوميه حافز للزوار ما ادري وين صاحب الملاهي عنها ما يلتفت له شوي...

مدينة الاسرة الترفيهية ....

لا تعاني من اطفاء الانوار فقط ....

فيه سلبيات كثيرة ..

الازدحام عند المدخل للتفتيش و التراص عند الدخول للتفتيش ...

نحن نريد تفتيش ولكن لا تضع عاملة واحد تفتش على امة الثقلين ...

والله ضللنا واقفات نصف نصف ساعه ... بدا الاطفال بالصراخ من الازدحام و من الحر و قلة النفس ..

وبالاخير بعد صراخ الزائرات عليها ... نادت زولة ثانية وفتحت ممر حديد آخر بجانبها .وبدأت تدخل الاطفال و النساء الكبيرات .

ليش ما يكون فيه كذا عاملة تفتش عند الباب علشان يجنبون الزائرات الازدحام عند الباب والله العظيم اننا اصبحنا كاننا في (((( حج ))))

السلبية الثانية ..

اذا حصل اي مشكلة للزائرات على الالعاب المرتفعة او السريعة جداً

يبدأن بالصراخ على العاملة السودانية .. علشان (( تطفي اللعبة ))) ما تعبرك .. ولا تدري عنك ... تناظرك بعيونها و ترفض انها تسوي اي شي .

لو فيه وحده حصل لها شي .. حصل اغماء ... حصل دوخة ... ما راح توقف اللعبة ..

ايش الاستهتار بارواح الناس ...