|
هل ترضى أن كنت الزوج أو الأب أو الأخ أو الزوجه أو الأخت أو الأم ؟؟؟؟
[align=center] بسم الله الرحمن الرحيم
السلام عليكم ورحمة الله وبركاته أنا بصراحه هالموضوع قاهرني وحبيت أستشيركم فيه يمكن الدنيا تغيرت وأنا ماأدري ؟ أو يمكن الناس ضاعت مع احترامي الشديد وأتمنى أن لاتكونون منهم ,,, أنا كتبت العنوان هل ترضى أن كنت الزوج أو الأب أو الأخ أو الزوجه أو الأخت أو الأم ؟؟؟؟ كلكم يتسائل في ذهنكم وشو الموضوع ؟؟؟؟ الموضوع يقهر بصراحه ومن تجربة ألم جيت أكتبلكم هالكلام ... السؤال الله يطول بأعماركم هو هل ترضى أن تكشف عن حجاب أو غطاء زوجتك ؟؟؟ كل الناس بتجاوب ( بلا ) أنا متأكد لأننا بمدينة محافظه ,,, لكن سؤالي هل ترضى أن تكشف عن زوجتك خارج المملكة وتلبسها قصير أمام ناظري العالم ؟؟؟ هذا اللي ذبحنا للأسف لو تذهب ألى الدول المشهورة أن شبابنا أول مايتزوجون يروحون لها مثل ماليزيا ,,, والله أن تشوف العجب العجاب لا وش يقولك الناس ماتعرفنا هناك خلنا نستانس والمشكلة أنه أشهب لو تشوفه من بعيد تعرف إنه سعودي ,,, طيب البنت اللي تنغصب على هالشيء وش ذنبها ؟؟؟ هي خايفة منه وخايفة أنها تقول لأهلها طيب وش تسوي ؟؟؟ أذا كانت هي مارضت على نفسها طيب هو وين غيرته ؟؟؟ أسأله كثيره ومتعبه أتمنى أنكم تتفاعلون مع هالموضوع لأنه بجد لازم ننبه الناس أن الزوجه مالها ذنب !!!! وتقبلوا تحياتي ...[/align] |
الله يبعدنا عن قليلي المرجلة (الديوثين)
|
[align=center]اخي القناعه الداخليه بمبدأ الحجاب والستر تكاد معدومه لدى هؤلاء
فهو هي او هو منذ ولد يرى امه تتحجب ولكن لايعي لماذا تتحجب حتى اصبحت عاده تتوارثها الاجيال كثير من الفتيات هنا وليس في الخارج تخرج نصف وجهها مع الزينه لانها لم تعي وتفهم لماذا تتحجب بل على العكس تعتبره قيد يحد من حريتها وقد تجد ابيها او اخيها معها لانه ايضا غير مقتنع ولولا خوفه ان يراه احد من معارفه لما همه كشف وجهها مع الزينه الكامله امام عيني في الطائره تخلع النساء العبائه وتلبس الجنز حالما يعلن الملاح الوصول الى الاراضي المقصوده وسط ذهول الاجانب وتعجبهم كيف تخلع هذه العبائه بكل بساطه نسأل الله العافيه لك التحيه[/align] |
ع حسب إذا هو مآخذ دينه عادات وتقاليد وبيرضى أمآ إذا مآخذنه دين واعتقآد ... هذآ لو يعيش ألف السنه مآ حيجيه شي يغيره .. لاسفر ولاشين ثآني |
[align=center]الله يعطيكم العافيه على مروركم أخواتي ,,,,
نصراحه نواره معك حق أنا أذكر من القصص التي تدمى لها القلب ,,, أب مع بناته بالبر وكانوا البنات يصورون بالجوال طبعاً الأب راضي لكن ليست هذه المصيبة ,,, المصيبه أنه قال أروني مقاطع التصوير وبعد مارأها قال أمسحوا المقطع هذا وترك باقي المقاطع ,, فسألوه البنات : تركت كل المقاطع وتقول أمسحوا هذا مع أنه مو ظاهر وجيهنا فيها ,,, أسمعو الطامه قال : أيه بس صوتي واضح واللي بيشوف المقطع بيعرفني من صوتي بس أنتم لا محد بيعرف أشكالكم ,, بعد سماعي الكلام من القائل جثوت على ركبتي ماصدقت أن فيه ناس بمثل هذه الأشكال ,,, وتقبلوا تحياتي ,,,[/align] |
[align=center]مشكلة البعض فاهم التطور بشكل غلط
عديمين الإحساس بهذا الجانب كُثر هنا وهناك .. كل الشكر ولد الروايع ,,[/align] |
لازم البنت تعرف حكم الحجاب وإنه وااااجب وليس عادة توارثناها من الأجيال
وفي رسالة الشيخ إبن عثيمين في الحجاب الجواب الشافي الكافي بهذا الموضوع وأذكر إننا درسناها بالتفصيل في منهج الصف الثالث ثانوي لكن سمعت إنهم مع تعديل المناهج إنها تغيرت ولا طاعة لمخلوق في معصية الخالق ولا يجوز أن تتنازل الفتاة عن حجابها طلب لرضا الزوج ومن تربت في إسرة محافظة وتعلمت منذو صغرها حكم الحجاب ومحافظة الفتاة على سترها لا يمكن أن تتنازل عنه لاداخل السعودية ولا خارجها إلا من كانت إمعة تتبع كلام الزوج فيما لا يرضي الله المفروض في من يسافر للخارج أن يكون سفيرا لدينه وبلده في محافظته على أمور دينه ومكارم أخلاقه |
اليس الله يرى الناس في أي مكان من العالم
أو أن الحجاب عادة ينتهي على حدود المملكة الله يهدي الجميع نبراس |
خلهن يكشفن عن وجهين من زينهن ماحد راح يطالع فيهن برا ياليتهن هنا يكشفن ولا يتنقبن او يحطن لثام
|
والله انك صادق فعلا شي يقهر انا اعرف بنات كذا سونه ويوم ناقشتهن قالا عادي اصلا حكم تغطيه الوجه ميب واجبه بس حنا اخذنه عادات وتقاليد يالله عاد رقعه وش تقول زيه بعد سماع الاغاني فيه بنات يسمعن ويايللك تناقش لانه مافيه نص شرعي واضح بتحريم الاغاني والنصوص واضحه لاكن يبون بالعربي الفصيح يجي التحريم والله عالم عجيب الله المستعان |
اقتباس:
تأخذون المواضيع الجديه بهزل إنتبهوا لا توصلون للإستهزاء بالدين قال رسول الله صلى الله عليه واله وسلم(ان العبد ليتكلم بالكلمه لا يلقي لها بالا تهوي به الى نار جهنم 70 خريفا)... |
[align=center]موتي ولا اخلع حجابي
الله يعافيهم ولا يبلانا بكره اذا سألها خالقها لماذا خلعتي حجابك..؟ تقول والله زوجي والا ابوي قال لي،،،، لا طاعه لمخلوق في معصيه الخالق[/align] |
شفووووووووو لا تحكمو على الكل
انا اكثر من مررررررره طلعت وعباتي على راسي وبعد ما البس برقع ............. واذا سألون من وييييييييييين اقول من بريده وللمعلوميه احدي قريباتي تحدثني عن وحده لهااكثر سنه في بريطانيا تلبس عباءه على الراس وهي من بريده بعد والي راح تجرد من حجابه هذي ناقصه عقل والا ببريده رب وهناك ما فيه رب وتعاني من نقص ياخي الناس بداة تكشف وجهه في برج المملكه هنا بالرض ومو برا المملكه وكثير نسمع انهن من بريده اسأل الله لهن الهدايه |
اقتباس:
اذكر مره جدتي جلست تنصح في وحده من احد الدول العربيه وتقولها ليه انتم ماتتحجبون قالت : الحجاب مقصور على نساء النبي عليه افضل الصلاه والسلام وانتم (تقصد السعوديات) ملكّم هو اللي فارض عليكم الحجاب والا هو مانزل فيه نص شرعي فهي حتماَ بنت تلك النظريه بسبب ماتراه من تلك الفئات التي ذكرت وفصلتها استاذتنا نواره اطيب تحيه,,, |
| الساعة الآن 08:04 pm. |
Powered by vBulletin® Version 3.8.8 Alpha 1
Copyright ©2000 - 2025, vBulletin Solutions, Inc. Trans by
موقع بريدة