|
امانة بريدة صحصحة بعد النوم العميق ولكن!!!
[align=center]بسم الله الرحمن الرحيم [/align]
اولا احب ان اشارككم موضوعي وهو مهم الا وهو بلدية بريدة صحصحة من النوم ولكن بعد طول نوم عن شوارع ومرافق مدينة بريدة ولكن بعد ماتم رصد مبالغ لتحسين شوارع ومرافق المدينة تم تحسين اللاحسن ونسيو الشوارع المتهالكة والارصفة المتحطمة يعني شوفو مداخل بريدة حلوة وزينة واللى جواء المدينة مايهم اجل برايكم ارصفة تمام التمام يشيلونها قلنا ماعليش يمكن يبون يوسعون الشوارع لانة عندنا الارصفة تمشي معاها سيارة من كبرها ليش ماادري وبعدين يشيلون الاول ويحطون نفسة ماتغير شىء بس شالو البلك وحطو بلك من جديد ليش ماادري الفايدة وين ماادري وفية شوارع قسم بالله الواحد يضرب حساب وحساب علشان يروح معاها يعني متحفرة مرقعة يعني اهلها اشتكو جت البلدية مسوية فيهم معروف الحين بس رقعت فية وصاير زي الملاهي يعني منحنيات كثيرة مطبات متحفرة وجفر بكل الشارع يمكن الكل عرف الشارع اللى اتكلم عنة شارع مهم في مدينة بريدة ويمكن مو مهم عندهم لانة ذنب الشارع انة صار في جنوب بردة وجنوب بردة كلة مهمل بالمرة شوارع وارصفة حتى الشارع مهم وسيد واحد يعني مافية رصيف بين السيدين ومافية حتى انوار يعني انواع الخطورة فية وكثير علية ضغط السيارات فية وسيارات كبيرة بس وين البلدية عنة ماادري حتى متكيثرين على الشارع لوحات ارشادية واتمنى احد يرد علي بالموضوع هذا لانة سنين مااحد ناظر لشارع هذا ابد الشارع هذا اللى ماعرفة هو شارع اللى يطلع من الخليج الى الخضرالوجيعان انتظر ردود اي واحد مسؤل او احد من المجلس البلدي |
لو كنت أحد أعضاء المجلس البلدي لهربت إلى أقاصي الأرض بريده تحتاج إلى غربلة وتحسينات في كل أجزائها وأهلها يطالبون المجلس البلدي بأن يعمل لحل تلك الإشكالات وبأسرع وقت ممكن ياناس المجلس البلدي صوري ولايهش ولاينش أتمنى أن يأتي أحد من الأعضاء ويثبت أنني مخطيء ويقدم لي الإثباتات والبراهين بأن المجلس البلدي لديه سطوة وقرار فيما يجري في البلد أخي الحانوتي أصبر وأحتسب ولك الأجر تحياتي |
جنوب بريدة خارج التغطية
وللأسف المسؤولين بالغوا في نظرية جنوب المدن مهمل بنظرتهم الدونية له مع أننا ومع كامل الأسف حتى شمال بريدة لم يحظى بكامل الاهتمام ولم ينعم بالجمالية الأمانة تعمل ولها جهود ولكن للأسف حتى الآن لانلاحظ هذه الجهود بشكل واضح ربما لاتساع المدينة وتزايد احتياجاتها أو لتقاعس المسؤولين دور في ذلك الله أعلم عموما لاجديد الأمانة كالعادة إن كان هناك صحوة في تتوجه إلى جانب على حساب جانب آخر وربما أهم تقبلوا تحياتي |
[align=center]الامانه تعمل مشكورة ..
وأعتقد انها لم تغفل مثل هذه الشوارع ويمكن يوجد عوائق .. وفي حالة عدم وجود العوائق فأعتقد ان شارع الخليج وشارعي السالميه أولى من شارع ابوبكرالصديق الشمالي .. [/align] |
[align=center]اتمنى من احد من في المجلس البلدي ان يرد على تسائلات كثيرة
ولكن لاحياة لمن تنادي وهذا الشارع اقدم شارع في بريدة وهل احد شاففية تحسين او اي شىء اختلف فية غير الترقيع اللى وجودة زي عدمة [/align] |
| الساعة الآن 01:25 am. |
Powered by vBulletin® Version 3.8.8 Alpha 1
Copyright ©2000 - 2025, vBulletin Solutions, Inc. Trans by
موقع بريدة