|
خطوط الليل000 وملايين الريالات في جيوب شركات الاتصال00 من يربي اللقطاء ؟؟
حسب الأرقام المعلنة من شركة الاتصالات فإن لديها أكثر من 25 مليون مشترك.. وحسب ارقام شركة موبايلي فإن لديها مايزيد على عشرة ملايين مشترك.. اما الوليد الجديد للاتصالات شركة زين.. فاعلنت ان لديها قرابة ثلاثة ملايين مشترك.. يعني وبحسبة بسيطة فإن في المملكة أكثر من 38 مليون خط اشتراك في الهاتف الجوال.. طيب اذا علمنا كم عدد سكان المملكة.. بنلقاهم مايتعدون 25 مليون مع الأجانب.. وإذا قلنا أن أكثر من 30 بالمية من السكان اصغر من 16 سنة حسب الاحصائيات يعني المفترض فيهم ان يكون معهم جوال تقريبا 16 مليون بس.. وعلى هالحسبة يبي يصير لك شخص من سكان المملكة مواطن واجنبي خطين جوال.. طبعا شيء غريب.. وممكن مريب.. خلونا نصير شوي مانظن سوء بالناس.. ويمكن يكون فيه احد معه خط رئيسي وخط للعمل.. طيب هل كل الناس بيصير لهم عمل..؟ او عملهم يحتاج جوال اضافي..؟؟ اذكر مرة كنت قاعد افحص جوال ابشتريه من احد المحلات.. نزل من سيارة فان .. سواق وطلب شريحتين جوال... قام العامل اعطاه ورقه بها أرقام بها جملة ارقام راح السواق ووراها لاحد راكب وراء .. وبعدين رجع واخذ رقمين.. الاكيد ان هناك سوق كبيرة للاستهلاك.. واكثرها على اشياء بطالية معاكسات .. وعلاقات غرامية.. تستهلك الجيوب وتقضي على القروش ورسائل للفضائيات من نوع وش طبخكم اليوم ووجهي يعورني شوفوا لي حل ومع ان الشركات تعلن انها خصصت رقم للارقام المزعجة والتي تعاكس لكن هل هذا يكفي.. لحماية الناس..؟؟ كم من بنت او ولد بيجيهم اتصال.. وماراح يتفاعلون معاه..؟؟ وكم من واحد جاه ازعاج.. وقال ماني ملزوم..؟؟؟ ياكثرهم... اذكر واحد من الشباب معه جوال سوا من هالي محلتات بالاسواق.. ارسلنا رسالة الى 902 برمز 9988 عشان نشوف كم رقم مسجل باسم هالشخص لقينا عنده 935 رقم..!!!!!!! هذا بشركة وحده.. غير ارقامه بزين وموبايلي..!!! يعني الشركات عارفة ودارية ان هالي يطلعون ارقام انهم يبيعونهن بالسوق ومعروف ان نتاج هالارقام.. انتهاك اعراض.. وخيانات للغافلين والغافلات .. وازعاج ماله حد..!!!! صراحة اشك بعض المرات ان شركات الاتصال توظف بنات دورهن يستدرجن الشباب لسواااااااااااااليف وكم نكته.. على كم ضحكة.. على كم قلة حيا.. وهالبطاقات ماغير تنشحن بشكل هستيري.. اذكر مرة نزل واحد من الشباب اعلان في قناة الوسيلة عشان يبي خدامه لزوجته الله لايوريك.. ماارتاح ذيك الليلة... 99بالمية من المكالمات معاكس ومغازل واذكر بعد اني حطيت اعلان بيع سيارة في الاعلانات الي بجريدة الجزيرة.. ومثل اكثرهن بنات ويلعبن وهنا المصيبة والكارثة.. ان الي يعاكس ويلعب هن من البنات.. وكارثة كبيرة ان الوالد قاعد يمدح ببنيته واخلاقها ومن كليتها لغرفتها وهي ماغير سواليف وقلة حيا.. خاصة بعد ماصارت بعض البقالات تبيع الشرائح الحين.. والله يرحم حال شبابنا اول.. شيابنا الحين.. ومغازلهم.. كانوا من مئة بنت.. يصيدون وحده... الحين الله ياحافظ... بس اعقد النية.. ودور .. وماتلقى من يردك..!!!!! الي قاعد يصير عملية فرز وبناء للمجتمع.. يمكن يصير نوع من الصراع الي يسبق الانفجار.. واكيد ان المسؤولية في هالانحراف كلنا نتحمله.. بداية من التربية للاولاد والمراقبة لهم .. يعني مايصير يحط الاب مهند ونور وربعهم.. للبنات.. ويبيهن بس يتفرجن.. المشاعر اكيد بتفرض نفسها.. وتسيطر على الموقف.. وتولد في الاخير.. بلاوووووي ايضا شركات الاتصال عليها دور كبير تجاه المجتمع.. وهي ماتقدر تكون امينة الا اذا فرض عليها رقابة وشددت عليها وزارة الداخلية وانا اشوف ان وزارة الشؤون الاجتماعية لابد تتدخل بالموضوع وتدرسه بشكل جدي وتبحث عن حلول لحماية البنات من انفسهن وحماية الشباب من البنات .. حتى لاتتورط مستقبلا في ايجاد دور لايواء الاطفال مجهولي الهوية.....!!!!!!!!!!!!!!!!! |
فعلا هذه الشركات ساعدت على الهدم رغم ان باستطاعتها الحد من المتلاعبين
والله يستر من القادم |
تلك الشركات يهمها الربح أولاً بأي طريقة..ولن تفكر بالآخرين..! ومشكلتنا أن الكثير منا يأخذ الأمور بتسلية..وكأنها لم توجد إلا للتسلية..! تحيتي,,, |
كلام جميل رائع !
لاتعليق! |
[align=right]
كلام منطقي 100% ولكن ارجع واقول مادور الرقيب ؟؟[/align] |
اقتباس:
وخاصة ان بطاقات الشحن الحين صارت بالبقالات ,, يعني الشخص يدخل يشتري علبة عصير بريالين .. وياخذ شحن بميتين ,, يعني الشحن صار مثل شرب العصير عند الناس ,, وشركة الاتصالات تلهم فلوسهم لهم ,, ليت من دخل معهم شراكة ففتي ففتي ,, فوووتك بعافية ,, |
اقتباس:
مثل ماقلت... باستطاعتها... لكن هي لاتريد ذلك..!!! لان ارباحها ستهتز... لكن... هل هناك من يملك اجبارها.. لتفعل..!!! |
اقتباس:
ربما يكون رخص اسعارها.. سبب لان يتخذها البعض تسلية.. ومصيبة ان تكون التسلية فيما يدمر.. تسلية يمكن ان تهتك اعراض وتسلية ممكن ان يكسب بلاووووي ومصائب |
اقتباس:
|
[align=right]25 مليون ـ 10 ملايين ـ 3 مليون ـ مشترك
أرقام تهول العقل وتقول أن هناك أعصار قادم لتدمير الأخلاق ...!! يارب سترك .[/align] |
اقتباس:
الرقيب... ممكن يكون مستفيد...؟؟؟ ممكن يكون ينتظر كارثة حتى يتدخل... ممكن يشوف ان الرقيب المباشر الاب... هو المسؤول |
الله يستر علينا
والمشكله الكبيره بالأرقام بدون إسم حتى لو بتشتكي ماراح أحد يقدر يجيب لك من هو له الجوال والإتصالات ما غير تلهف أذكر مره وصلت فاتورة جوالي العام 800 ريال بغيت أنهبل كنت أكلم وأطول بالجوال بدون ما أحس وبعدها كنسلته وطلعت بطاقة شحن وصرت أشحنها إذا أحتجت وأحيان كثيره تكون بدون شحن لأني ما أحتاج أكلم بها تلفون البيت يكفي والله الحين بنات بالمتوسط معاهم جوالات وبعد به أرقام سبيل يعني نطلع بالإتصالات ونغير لموبايلي نجيب شريحه ثانيه وهكذا وخصوصا إن الأسعار رخيصه أي أحد يقدر يطلع رقم ب40 ريال اقل أو أكثر بشوي حتى الشحن بطاقه بــ 10 ريال أي أحد يقدر يشحن ما نقول غير الله يستر علينا ويكفينا من به شر أختي بأول متوسط تبي جوال مثل اللي بسنها من بنات خوالي بس ما طعناها لما تدخل الكلية والله اعرف واحد مطلع لبنته جوال وهي بثالث إبتدائي يعني طفله |
كلام جميل ولا تعليق
|
كلام سليم
كلام منطقي كلام صحيح الله يسعدكم ماتلاحظون كلنا متفقين ؟ والبنات والشباب وهالأطفال اللي معاهم موبايلات .. من كوكب المريخ !! خلونا من شركة الأتصالات اللي عارفين ومتفقين أنها شركة تبي تكسب .. وأن كان لها دور.. وراح يوسئلون عن كل فلس حرام .. بس الأكيد والأهم .. وين دور الأب ونصحه ومراقبته لأولاده وحتى الأم وينها وين حنانها ؟؟ وين دور العمه والخاله والعم والخال ؟؟ ليه الأخت ماتنصح أختها اذا أولادها عندهم موبايلات وهم أطفال ومو بحاجه له ؟ حتى .. أنتم .. وين دورك ؟ قبل تطلعون من هالموضوع حاسبوا أنفسكم وأنا اولكم كان لنا دور في حل هالمشكله ؟؟ ايه الدنيا تغيرت وتتطورت بس موب معناته البزران يمسكون موبايلات .. لازم يكون لنا رأي ليه البنت الصغيره يكون معاها جوال .. لا والمصيبه الكبرى لم يكون فيه ماهب ودب من المقاطع ..! طيب دخلت الكليه اوكي يكون عندها جوال بس لازم الأحتياط والحذر مو الشك .. يكون لها جوال مفوتر ويطلع الأب على كل شارده ووارده .. كثييييير اباء وأمهات يعطون أطفالهم الجوال بحجة مابي أكسر خواطرهم وبالنهايه هم تنكسر خواطرهم أذا صار لعيالهم ايآآآآت مشكله .. بارك الله في طرحك ~ |
اقتباس:
واحد منزل إعلان عن بيع تبن ( بوجه العدو ) وكل اللي يتصلن بنات ...!! مثل ماصرح لقنوات الفساد ببث برامجها لدينا أيضاً من حق الإتصالات أن تفعل كما يفعل الغير ,, المعروف الف شكر على الموضوع |
| الساعة الآن 12:24 pm. |
Powered by vBulletin® Version 3.8.8 Alpha 1
Copyright ©2000 - 2025, vBulletin Solutions, Inc. Trans by
موقع بريدة