|
صورة وتعليق ،، جيب ربع 2009 !
قبل ايام تحدثنا عن موضوع عن جيب ربع قديم (عشة) في هذا الرابط http://www.buraydh.com/forum/showthread.php?t=176719 واليوم يتجدد اللقاء معكم في مشهد جديد لجيب ربع - عشة - آخر في أحد أحياء بريدة القديمة - حي الهلال - الذي يمكن أن تشاهده جنوب جامع الإمام مسلم وشرق الهلال الأحمر القديم ،، الجيب متوقف قبل أكثر من أربعين يوم ولا يستطيع أصحاب السيارات الدخول من هذا الاتجاه لوجود الجيب - المبنشر - على الناحية اليمين في الصورة والذي تصادف وجوده مع سيارة أحد السكان الذين ذهبوا للرياض فاغلق الشارع بطريقة فكاهية غريبة ،، وكأننا لنتهينا من مشاكل الهيلكس والجيب الربع الجديد ليتواصل الجيب العش في الظهور كل يوم بشكل جديد !! ونترك لكم التعليق |
خلينا ناخذها بالعقل الجيب مبنشر وهذا عذر لصاحبه أن يوقفه في مكانه لكن مابال أصحاب السيارات الأخرى والتي تسير لايقفون في نفس الصف حتى يفتحوا الطريق؟ أخي شاهد الصورة مرة أخرى وحدد من المخطيء أنا أرى أن صاحب البكس واليوكون هما اللي موقفين غلط مالهم عذر غير أنهم غير مبالين أو يبون يصعبونها على سالكي الطريق أما صاحب الجيب فعذره أن جيبه مبنشر ولا يستطيع إصلاحه أو تحريكه لسبب ما أرجو أن تتقبل صراحتي |
اقتباس:
. . عــــذر أقبـــــح من فعل ماعليش يأخوي كيف تحمل الخطأ راعي البكس واليوكن بينما أخينا في الله راعــــــي العشة له 40 يوم مبنشر !! والله لو هو يبي يفتح بنشري قدام الجيب قد أمداوه بعدين أنا مثلاً راعي اليـــــــوكن .. وش ذنبي ألبق بعيد عن البيت .. علشان الحبيب متى ماطرله يصلح كفره !!!!! . . وأنت ياراعي الموضوع وش سالفتك مــــــع راعين الجيوب الله يستر لا يجي دوري بكرا http://buraydh.com/forum/images/icons/icon10.gif . . |
اقتباس:
لاحول ولاقوة إلا بالله إيه الليلة المهببة دي؟ أخي الشارع عرضه خمسة متر صف سيارتك بالجهة اللي موقف فيها الجيب وكلها خمسة متر عن باب بيتك أنا قلت خلونا ناخذها بالعقل راع الجيب مو مهتم أنه يصلح أو يشيل سيارته ولا المرور أو البلدية مهتمين بهالسيارة طيب والحل؟ نقفل الطريق على قولتك علشان أوقف قدام باب البيت ولا نحلها لين الله يفرجها وينشال هالجيب ونوقف بطريقة مانسكر فيها الشارع تقبل مروري |
الحل في المثل الدارج عندنا ( كل واحد يصلح سيارته )
الاخ هاني يقول ان صاحب الجيب مبنشر وهذا عذر مقبول لكنه اضاف ان مدة مكوث الجيب على هذا النحو هو اربعين يوم وهذا غير مقبول من خلال ذلك ..ارى ان الخطأ يقع على صاحب الجيب . تحياتي وشكري ,,,,,,, |
اقتباس:
شف ياخوي صاحب الجيب يتحمل خطأ بنسبة 75% والكفر يتحمل خطأ 55% :) أنت فين تشتغل؟ |
الفلط حقيقه لا بالربع ولا غير الربع الغلط في الشارع نفسه تمعنوا جيدا هل تشاهدون لمسات التطوير والمظاهر الحضارية
|
اقتباس:
أربعين يوم مقبولة كفترة حداد على بنشرة الجيب :) |
|
رد الاخ بريداوي جنتل سيتغير بعد الصوره الاخيره
صاحب الجيب يتحمل خطأ بنسبة 100% والكفر يتحمل خطأ 0% اليس كذلك يا جنتل :) تحياتي وشكري ,,,,,,, |
:ash:انتم تتكلمون تقولون الربع والربع :ash: وأنا جالس أدوره وبالنهائية إكتشفت أنكم تقصدون العباله (العشه) بالله عليكم هذا يستاهل يقاله ربع لكن الشرهه مو عليه راعي العشه الشرهه عليكم أنتم خليتوه يشتهر بكرى كل واحد معه سياره عباله راح يوقف غلط علشان :36_1_2[1]يشتهر بهالمنتديات:10_1_12v[:36_1_2[1] ودمتم بخير وسلامه |
اقتباس:
أشكرك أخي بريدة أولا من الصورة الجديدة التي عرضها المبدع هاني للعشة كما أوضح ذلك الرفيق بندر الجلعود أرى ان الطريق سالك بلا مشكلة إلى ان يفرجها الله وتنتهي مدة الحداد لكن أخي بريده أولا النسب التي وضعتها فيها إستهانة بحق الكفر المبنشر حيث أعطيته صفراً لاحظ ان العشة كان ناوي يمشي لكن الكفر الله يهديه مسكه في الأرض فأعتقد أن الكفر المبنشر لابد أن يتحمل جزء من نسبة الخطأ ولا إيش رأيك؟ |
[align=center]اسالكم بالله قضة مشاكل بريده ؟
حتى كاتب الموضوع الله يهديه محسوب على المنتدى بعضو اعلام وعلاقات يخوي من يشوفه هالجيب يرحمه ويرحم راعيه ولوهو بوسط الشارع بكيفوه مبين وضعوه مهاوب هاك اللي شوفو لنا مواضيع تهم الديره وتنهض بالديره ماهوب عشه منبطر بوسط حاره ومبنشر لحول[/align] |
انا اقترح انه يجي فاعل خير ويركب الاستبنه وينتهي الموضوع وتقبلو تحياتي
|
اولاً حياك الله اخوي
بعدين كلامك مع الأسف موب صحيح وياليت تحط التاريخ اللي كان فيه هالجيب على هالوقفه علشان اقدر اكذّب نفسي واصدقك انا من من يمرون مع هالشارع يومياُ وشف ت هالجيب يوم ياقف كذا ولا جلس اكثر من ثلاث ايام أن طوّل والحمدلله بس لو تكلمت عن الشارع وردى حاله كان احسن لك |
| الساعة الآن 01:35 pm. |
Powered by vBulletin® Version 3.8.8 Alpha 1
Copyright ©2000 - 2025, vBulletin Solutions, Inc. Trans by
موقع بريدة