|
يالهوي .. ياخراشي .. يامصيبتي ..توفيت زوجتي
[align=center]في حياتنا ألم وأمل وفرحة وحزن وعبارات وعبرات تنساب
بلغت من الكبر مابلغت وفي لحظة من العمر توفيت زوجتي عشت معها ماشاء الله ان اعيش فيها لحظات متعددة من الابتسامة والدمعة والغضب والرضى منا من استساغ وفاة زوجته واستأنس به ومنا من بكى حرقة وألما على فراقها ومنا من تذكر لحظات العمر معها وانسابت من وجنتيه دموع حارة بحرارة الحب الذي مضى ومنا من نسي تلك اللحظات وبحث عن الانس بغيرها وقال : ( الشر برا وبعيد من السعلوة ) وسوف اشتري حريتي واعتق نفسي وانسى همومي وراح يبحث عن زوجة ثانية وصار الناس يودونه ويجيبونه هذا يقول مالك الا عجوز تخدمك وهو يقول : هي تبي من يخدمها والبعض يقول طق لك مصرية تلاعب الهواء بنوتة صغنونة والبعض يقول مايحشمك غير السورية طبعها قريب من طبعنا ومنا من ارتاحت نفسه للعزوبية بعد وفاة ( سعلوته ) وقال : لا اعود لمثلها ابدا بعض النساء تكون لزوجها نعم المرأة الصالحة وتفتقد حينما يفتقد البدر <<< يتذكر وضحى زوجة نمر بن عدوان مالت على هيك حريم الله يخلف علينا بالجنة بعض النسوان ولية شرانية تقلب الليل نهار والنهار ليل وتخلي التعاسة تلاحق زوجها بعض الرجال صار يتخيل زوجته كابوس والا جاثوم على قلبه من شين الطبع وحماقة التصرف هنا اختصر لكم السالفة ياسادة ياكرام عندما تموت الزوجه هناك عدة إحتمالات فيه زوج يفرح ويقول حصاة وإنزاحت عن طريقي,ويروح يطق سوريه أو مصريه,,,وهناك من يحرم الزواج والسبب من اللي شافه من زوجته المرحومه ,,ومنهم من يحرم الزواج وفاءا لزوجته لأنها كانت زوجة صالحة انتم ياشياب وياعجايز وياشباب ويابنات وش تقولون؟ موضوع للحوار والنقاش ولا احد يدف ويخربها معي تكفون تراي صادز ابي حوار فلة ووناسة شعللها شعللها ولعها ولعها [/align] |
عجوز سمنسي
دار حديث بيني وبين بعض الأخوه ونحن نشاهد نمر بن عدوان يسكن إلى جوار قبر وضحى حول امكانية حدوث ذلك على ارض الواقع وكان الجميع شبه متفقين على ان الزوج سيطالع عيون المعزين لعله يحضى بمن يعوضه عنها بخير منها :) تذكرت : الرجل الذى اعطى ابنه 1500 ريال وقال له اشتر ضحيتين وحده بخمسميه لأمك ووحدة بالف للعقرب اللي قرصت امك :) تقبل تحياتي |
اقتباس:
. |
الشويب منجضع عند هالمسلسل ومصدق كل اللي فيه يارجال تلقى نمر فرح بفرقاها بس ذولا يكبرون السالفه واحد وماتت زوجته همن عاد يطق ثانيه ويترحم على الأوله |
اذا توفيت الزوجة يتشتت الابناء ووالدهم ويتفرقــــون...
وفاة الزوجة لها اثر اكبر من وفاة الرجل ... اذا توفي الزوج بقيت زوجته بمكانها ولم يتفرق ابنائة ولم يتشتت أحـــد مجــــــــــــــــــــــرد رأي.. |
عجوزنا .شكلك ناون العرس .
بالنسبه لي الله لايجيب الساعه وتؤبرني إن شاء الله أم شهوده .بس بعد عمر طويل تبي حب مثل حب نمر بن عدوان ما أظن تلقا .رغم أنه تزوج بس بقي حبه لوضحى ليتناقله التاريخ . هاليومين سمعت قصه تناقض النظره التي صورتها اخي عجوز سمنسي للرجال . يقول في مدينة حائل تناقل الناس قصة رجل يزور قبر زوجته يومياً ولمدة 20 سنه .. اتفق مجموعه من الصحفيين لكتابة تقرير عن هذا الرجل الغريب . ذهبو للمقبره لكنهم للأسف لم يجدوه ..بعد التحري توصلوا إلى أنه منذ اسبوع يذهب لقبر والدته في مقبره اخرى فبحثوا عنه . لكنهم صدموا بأنه توفي ولحق بوالدته وزوجته .. القصه غريبه ونقلها لي أحد الثقات . في زمننا هذا صعب جداً أن نجد هذا الوفاء للزوجه .وفي نفس الوقت يجب أن لانغفل أن الأبناء والبيت بحاجه لمن يرعاهم مهما كانت الظروف |
لم أكن أتوقع أن نمر بن عدوان ملهم لهذه الدرجة ، على ان الدراما خفق بريقها بعد وفات وضحى ، إن أصعب شيء على الرجل فراق زوجته وخصوصاَ إذا كانت نعم الزوجة من إخلاص ووفاء وحب وعون ، وكل الرجال أقرب النساء إليهم زوجاتهم ، ومنهم من تكون أقرب من والدته وأخته ، والقرب المقصود القرب اللصيق من القلب ! بحكم المعاشرة المستديمة القريبة ، كان الله في عون كل مفجوع ، الله لا يفجعنا بحبيب ، لكم اطيب المنى |
اخوي سمنسي
والله لو تموت زوجتي ماانوي اتزوج ثانيه !! وانا مهبول اجيب حرمه ثانيه وعععععععععععع وانا ناقص وجع راس راح اعتبرها حجر وانزاح عن طريقي !! بس سؤالي الدايم متى ماتت زوجه قبل زوجها !!!مهوب يموتن الله يقطعهن الا اذا اخذن العزاء بنا! |
فعلا شر البليه مايضحك
على فكره الحرمه هي الي معززتك وهي الي معطيتك اولاد يشيلون اسمك الحرمه هي الي منظفتك وهي الي مخليه لك اسم قدام جماعتك الحرمه هي الي مربيه اولادك وهي الي مسنعه امورك انت.. ولاشي من غير الحرمه سواء أعترفت اولا , |
اقتباس:
هههههههههههههههههههههههههه اريج اتحداك تنجبين عيال بدون ماتتزوجين !!! الرجال يقدرون يعيشون بدون حريم بس انتن لازم معكن رجال عشان تعيشن !! يعني حرمه بلا رجل لاشي ! |
[align=center]
اقتباس:
وش يناظر وش يخلي المسكين تلاقيه يكب التراب بشراهة على قبرها ويقول اخاف تطلع من القبر ههههههههههههه اتوقع ان الللي مشتري اضحية لزوجته تحسف عليها وقال ياخسارة عوضها للعقرب شكرا لمرورك وتشريفك ياسيدي[/align] |
[align=center]
اقتباس:
هذاك اول ياعاشق الحين الحرمه الي تسمونها سعلوه قادره انها تدير بيت كامل وبعد قادره تلبس الي اسمه رجل دشداشه يعيد فيها وتملي جيبه فلووس يتسلى فيها وتركبه سياره يتفشخر فيها قدام ربعه الحرمه ... ان شالله كلها كم يوم وكم تقرير وتوقيع ويسمح لها ب السواقه وترتاح من حنة ومنة الرجل صار لها شأن اعظم من شأن الرجل تعرف الحين هم البنت وشو؟ انها تتزوج من رجل تجيب طفل او طفلين وبعدين تعطي سي سيد شلوتي لانه مابه فايده بصراحه حيطه غير مفيده وتربي اطفالها احسن تربيه وترتاح من تهديده بزواجه من حرمه ثانيه عليها وترتاح من انه يسمعها اشين الألفاظ والتصرفات اقول قولي هذا وانا اعلم ان هناك رجال يوزنون ذهب ب أخلاقهم .[/align] |
[align=center]
اقتباس:
ليش يا اريج مستغربة من كلمة سعلوة ؟ يعني ماعندنا سعالوة ؟ مالين البلد بس الله لايكثرهن والا يعدل حالهن الى الافضل ويصيرن نواعم [/align] |
شف ياعجوز,نحن معشر السعوديين الغالبية العظمى سيطلق زغروطه عندما تموت الولبه,لأنه خرج من السجن المؤبد إلى الحرية وسيقول (لا لمرض السكر والضغط والجلطة بعد اليوم ,,ونعم لحياة العزوالوناسة ونعم للزوجة الراقية والرومانسية ,,السورية أو المصرية),,لكن مثل ماقال عاشق ديرتي ,,أصلا مايموتن إلا إذا أخذن العزا بأزواجهن......
لكن هناك من النساء لدينا وهن مثل بيض الصعو,يذكرن ولا يشافن ذربات وحبيبات وإذا ماتت زوجها يحزن عليها وإحتمال يعيش على ذكراها.......دمت بخير عجوزي |
[align=center]
اقتباس:
اقتباس:
ولا انا غلطانه؟ اقتباس:
ورغم هذا تبقى على ذكراك وترفض انها تستبدلك بواحد ثاني وتقعد تربي اولادك رغم الألم والظروف الصعبه صدق من قال عنكم انكم مالكم خاتمه , |
| الساعة الآن 04:30 pm. |
Powered by vBulletin® Version 3.8.8 Alpha 1
Copyright ©2000 - 2025, vBulletin Solutions, Inc. Trans by
موقع بريدة