|
زرت سيتي بلازا فرأيت هذه المنكرات!!
بسم الله الرحمن الرحيم
في مساء أمس (الأحد) بعد صلاة العشاء قمت مع زوجتي وابني بزيارة لستي بلازا الجديد في بريدة فتجولت في جل أقسامه فرأيت هذه المنكرات التي تغيض كل غيور على دينه ومدينته التي غزتها مثل هذه الأسواق الأجنبية : 1- في مدخل السوق وقبل الدخول فيه رأيت على الواجهة صور كبيرة( لرجال) متخنثين ومنها على الجانب الأيمن في الزاوية صورة (شبه رجل) معه آلة موسيقى !! قلت : هذا اللي برا أجل (وشو)اللي بالداخل؟؟!! 2-رأيت كثيرا من (النساء) هدهن الله قد تبرجن فهذه عليها عباءة أكمام وهذه جملت عينيها وهذه تعطرت وكلهن لعنهن الرسول صلى الله عليه وسلم والمشكلة أن بعض النساء يظنن أنها لابد أن تفعل مثل هذا اذا زارت مثل هذه الأسواق وكأن ذلك واجبا لتساير التقدم!!! والتطور!!!!! قمت ببعض بواجبي بالانكار وتوزيع الكروت الدعوية أنا وزوجتي . 3-في قسم الألعاب سمعت الموسيقى العالية المنبعثة من الفيديو الذي يخص (فلة) التي انتشرت للأسف في بيوتنا الا من رحم الله ولم أجد أحدا ينكر فقمت بخفض الصوت . 4-بعض الموظفين مظاهرهم لاتوحي بالرجولة (تميع وتعطر وطق علق! وشعر ملمع بالجل.....) أسأل الله أن يهديهم ولا لوم على الادارة فقد يكون هذا من (شروط) التوظيف !! أهم شيء المظهر !!! 5-يباع في السوق بعض المحرمات كالدمى والصور والأشياء التي فيها تقليد للكفار. 6-الأسعار غالية جدا (حتى وان كان ماركة!!) ومثال ذلك حذاء للطفل ب95 (خمس وتسعون ريالا فقط) وجدت أحسن منه في (شارع الصناعة) بربع الثمن ورأيت الناس يتهافتون على الشراء وكأنه (ببلاش!!!) أهم شيء أنه (سيتي بلازا ) و(ماركات) اللهم لك الحمد (لو يطلب فقير ريال واحد يلقونه يوم القيامة لكشروا وزمجروا وأرعدوا -ولم يمطروا- وربما نهروا ) (بل تأثرون الحياة الدنيا والآخرة خير وأبقى) وهذا الأخير مما شاهدت لايشكل شيئا بالمقارنة مع المنكرات الخمس الأولى قد قلت ماقلت وتحريت الدقة مااستطعت فان كان صوابا فمن الله وماكان خطئا فمن نفسي والشيطان واستغفر الله وأتوب اليه.. |
الله يثيبك ياخوي انت وزوجك على هالزيارة الانكارية وفيما ترى انت ستي بلازا مكان منكرات يراها الكثير نقلة نوعية في التسوق والمراكز التجارية ويعتبرها اضافة حضارية لبريدة يفخر بتواجدها ولولا اختلاف الرؤى والاذواق لبارت السلع وخسرت المراكز واعتقد ان انطباعك هذا حمله الكثير عند افتتاح بنده والشبعان والعثيم والنخيل بلازا ثم صار المكان المفضل للتسوق ، اخي الكريم كرر الزيارة لهم ووزع الكروت الدعوية والله يثيبك على نيتك اما انا فسأزوره وانا مدرك اني في ستي بلازا في مكان مختلف عن قبة رشيد وشارع الصناعة وان هناك مسافة حضارية بينهما تفترض ان ارى الواقع كما هو واسأل الله اللطف بالمسلمين وان يحفظ عليهم دينهم في الظاهر والباطن.
|
صراحة أنا أراه نقلة نوعية في عالم التسوق , ونتمنى أن يفتتح فرع آخر أكبر منه ويكون مستقل وأن يكثر من أساليب العرض الرائعة على جنبات حوائطه من صور الموديلات الجميلة التي تحاكي الموضة ,أما من يعارض وجود هكذا مراكز أنيقة فخمة ومريحة بأساليب دعوية بدوية قديمة وكأن الاسلام دين أراشيف مغبرة فأمامه المحلات الشعبية الكثيرة والملوثة هذه الأيام بغبار الصيف الخانق ففيها مايعجبه من الفروات وسراويل السنة وطواقي الزري الظريفة , ربما تعجبه , وشكرا لكم
|
بسم الله الرحمن الرحيم
شكراً لك يأخ مسلم نعم كثرت المنكرات وزدادة الغفله من الناس وكل هذا بسبب الجهل بالعواقب أثابك الله أنت وزوجتك على الدعوة أحرص أن تكرر هذا الزيارة لو الله يفكنا من مراكز التسوق كان احسن صارة هذا الأسواق منبت خصب لكلاب السكك والمجرمين الذين لا يرقبون في بنات المسلمين ألن ولا ذمة حتى البنت الغافلة تنتبة لهذة السخافات والسبب بعض الأباء هداهم الله يتركون العائلة تذهب مع السواق للأسواق والعنز تسرح والتيس بالدار لدي كلام كثير ولا أريد أن أطيل عليكم شكراً المستوي |
هاذا اسمه وسائل جذب او متعة تسوق
يعني لازم اذا جيت اتسوق ادخل محل تقل داخل مستودع !!!لازم هالحركات موجوده لانه تفتح نفس المتسوق وانا من وجهة نظري انه مافيها شي بالعكس تحس انك في مكان متفتح ونظيف ... وتلقاهم هم اللي يعاملون الزباين صح اما سالفة (جل ) و (عطر) يعني كيف تبين اجي وانا شوشتي طايره ولا ريحتي مصبخه والله حاااااااااااااااله |
فتح ستي بلازا ؟؟ اجل نروح نزوره ؟
طيب اخوي ما تدري هو فيه قسم أثاث والا بس ملابس ؟؟ << خطمت .. اخوي المنكرات موجوده بكل مكان .. والله يهدي الجميع .. وبالنسبه للنساء المتبرجات والمكتحلات هذي موضه قديمه ومنتشره في كل مكان مو بس سيتي بلازا ..! الله يهدينا جميعاً ويهدي بناتنا ويستر عليهم .. |
الله يثيبك ياخوي انت وزوجك على هالزيارة الانكارية .. جزاك الله كل خير
والله يهدي الجميع .. تحياتي |
كلامك واقعي كل مافتح محل جديد زاد التسيب عند بعض الناس ويعدون هذي حضاره ورقي .
اي حضارة التي ينسلخ المرء من تعاليم الدين وقيمه .فيه ناس كلما زادت الحضاره كلما تأخروا يحسبون الحضارة مسخ القيم . مشكور اخوي مسلم ابن مسلم .جزاك الله خير وكثر من امثالك. |
ماتلاحظون كل مافتح محلات تسبونهن
انا مااقول انهن سالمات من العيوب بس لازم المحلات كذا ومتوقع انه يكون فيه الحركات -رأيت كثيرا من (النساء) هدهن الله قد تبرجن فهذه عليها عباءة أكمام وهذه جملت عينيها وهذه تعطرت وكلهن لعنهن الرسول صلى الله عليه وسلم والمشكلة أن بعض النساء يظنن أنها لابد أن تفعل مثل هذا اذا زارت مثل هذه الأسواق وكأن ذلك واجبا لتساير التقدم!!! والتطور!!!!! قمت ببعض بواجبي بالانكار وتوزيع الكروت الدعوية أنا وزوجتي . ليش اول مره تروح لسوق ماشفت العثيم والنخيل مابقي شي وتوخر النقاب -يباع في السوق بعض المحرمات كالدمى والصور والأشياء التي فيها تقليد للكفار. ماشفت محلات الطفال كلهن باربي وفله وغيره من الدمي والصور اكيد هذا مشرط عليه ولى ابيكون يوم ماله نفس والاسعار في كل مكان غاليه يابشارع الصناعه يابغيره الله ياجزاك خير ماقصرت |
ماشالله زرت سيتي بلازا !!
تصدق بالله مارحت لها عشان يقولون أن المبنى ماكمل ويوجد خطورة في بعض المناطق لعدم أكتمال البناء .. لكن هالحريم مايخلن أحد حتى هالمطوع مجرجرته مرته نبي نشوف هالبلازا خخخخخخخخ وحفظاً لماء الوجه أقول ترا مارحت غصب رحت عشان أنكر المنكرات ههههههههههه |
اقتباس:
التجديد والترفيه مطلوب اقتباس:
اقتباس:
بدينا من الحين وبدينا بالغلط وتهويل الأمور إنا لله سيف كل مافتح سوق عندنا خاصة يبدا القيل والقال وكأن رزق هالسوق واقف علينا مادروا إنه قبل مايفتح له من الفروع اللي دخله يوازي دخل الصناعة وقبة رشيد والصراحة لو أنا منك مادخلت السوق وهذا اعتقادي ومبدأي طالما إن مثل هالأشياء ماترضين اقتباس:
فيالله إنك تسترنا وذرياتنا ومحارمنا ياكريم لكن اللي الواجب نعرفه ونقر به إن هالتصرفات موجودة بكل الأسواق مو بستي بلازا بس ..!!! اقتباس:
اقتباس:
برضوه نقول جزاك الله خير ولكن أحب أقولك إن الدمى ولعب الأطفال موجودة بكل محل حتى بشارع الصناعة اللي أنت تقول مو بستي بلازا بس ولكن المطلوب إن الواحد لاصار مايرى هالأشياء مايشريه حتى لو عرضت قدامه . اقتباس:
لأن شركات التوظيف تشترط الاهتمام بالهندام والمظهر يعني شياكة سوق الوسعة وقبة رشيد والشماغ على الكتف ماتنفع أتفق معك في هالشي ولكن ألا ترى أن هالنقطة ماهيب من سلبيات السوق اقتباس:
ثقافتك صنيعاوية طيب ياخي خلها فرجة وتمشية مو شرط إنك تشري ياخي هذانا نلف السوق وندوج به حنا وأهلنا وحريمنا ونطلع مانشري خاصة إذا صار عندنا قناعة إن أسعاره غالية أو سيولتنا ماتساعد . بس مانقعد نلوم ونعذرب لأنه الحق حق فرق التسوق بين مطامر ومناقز الأرصفة ودخنة السيارات وزحمة هالبشرية بسوق الديرة وبه تلقا لسيارتك موقف وبه ماتلقى أو تكلبش أو تحك وهلم جرى يعني لو حسبته صح تلقى هالخمس وتسعين حلال على هالنعلة الله يكرمك مقارنة بالمشوار والدوشة ووجع الراس بسوق الديرة . اقتباس:
اقتباس:
ولولا تباين الأبواق لهضم صوت الاخرين .؟ وما هناك شي يدعو للشماته و هالتحمد اللي مقصود منه السخرية اقتباس:
الاخ كاشفن عن قلوبهم ويعرف نوايا الناس اقتباس:
ثاني شي الله يجزاك خير حاول تكتب الآية أو الكلمة بالشكل السليم ((تؤثرون)) زين الواحد يستشهد بس الأزين إنه يتأكد ماينقل وبس وشرهتي والله على الزملاء اللي رادين كم رد الله يهديهم ولا لاحظوا هالشي ياخوان هذا كلام الله و اللي ماهو متأكد من الاية الله يجزاه خير لايكتب وبس . اقتباس:
بس ياليت تتأكد منه ويكون منقول بالشكل السليم..!! اقتباس:
والغليطات والهفوات لابد منهن وتخبر مويضيعك مايخلا منهن ولكن مع ذلك نقول ماقصرت والزين والله لو إنك مناصح الإدارة نفسه كان أبرك لك و أحسن من هالـ... |
والأهم من هذا كله إذا تبون الصراحة
عندي سؤال مهم ومحيرن كثير كثـيــــــــــــــــــــــــــــــــــــــــر ليش كل مافتح عندنا محل وببريدة خاصة راح بعض شهباننا ومقردنا ومغير كل واحد مفتح عيونه وطايرة بوهته وجاهز للنقد يدور أي شي ثم أول مايشوف شي خذ عاد طهبلة ومهايط بهالمجالس والمنتديات كل هذه قرادة بنا و طفاقة وإلا وش نسمية أعوذ بالله ذي حالة بعض الناس تقل الواحد حاسدن ديرته . لابعد المشلكة إن هالنوعيات إذا فتح الشي بغير ديرته راح يطاير بعياله يدوره والأمثلة كثيرة اعذرونا يالربع على هالأسلوب بس من كثر مانشوف من تعسف البعض الله يصلحنا وياهم وش يبي يضره لو وجه نصيحة من دون مايطق اعلان.. |
السلام عليكم ورحمة الله وبركاته ..
جزاك الله خير أولاً على توزيعك للمطويات والكروت الدعوية .. اثابك الله .. ثانياً .. طيب ووبعدين ..؟ يوم انك شفت الحريم المتنقبات وش نسوي حنا ؟ يعني نترك سيتي بلازا علشانهن .. طيب وشارع الصناعة وراكم ماقاطعتوه به حريم يسحرن بعد .. أو علشان القرش كل شي يهون .. بعدين انا ما اشوف منكرات جديدة .. يعني وش الفاايدة من هالموضوع بالله ؟ قصرت الموسيقى جزاك الله خير , ولو انك رايح للإدارة وقايل لهم هالشي اصرف من كتابة هالموضوع .. فعلاً فيه اشياء تحز في النفس .. وش الفايدة من كتابة هالمواضيع بالله عليكم يا اخوان ؟ لكن قولك عن الصدقة وغيرها .. ليش يا اخوي يعني اللي في قبة رشيد يتبرعون وماشاء الله عليهم واللي بسيتي بلازا والنخيل والاسواق الراقية لا .. شيء فعلاً محزن اننا نرى بمنتدياتنا مثل هذه الكتابات .. أموت واعرف وش الفايدة منها .. بس سبحان الله سالفة هالصدقة سالفة .. إلى الآن ما استوعبته .. * طيب أنا رايح لسيتي بلازا والحمد لله تسوقنا و اشترينا ملابس لأطفالنا ومقتنعين بالجودة والأسعار .. والحمد لله .. ومن المستحيل إنك تحصل مثل جودة الماركات في قبة رشيد وشارع الصناعة .. أقولك مستحيل .. يمكن انت ماجربت الماركات علشان كذا ماتقدر تقارن .. لكن اقولك من خلال تجربه .. اتحدى الجميع أنه يحصل مثل جودة الماركات وفخماتها وموديلاتها .. الماركات كل موسم لهم موديلات جديدة واشكال جميلة ناهيك عن الجودة فهذا منتهين منه .. بينما السوق الشعبي قبة رشيد وغيره أتحداك إن رأيت تجديد في الموديلات ومنافسة للماركات .. أنا يستفزني الذي يحاول أن يقارن الثرى بالثريا .؟ فالماركات على اسمها ماركة وماهي محتاجة لشهادتكم .. * اعتذر ان كنت قد { قسوت } نوعاً ما عليك يا عزيزي .. لكن لأن الموضوع لا فائدة منه .. جعلني آخذ راحتي بالكلام .. ولا انكر ان في كل مكان فيه الخير والشر .. لكن تحديد سيتي بلازا أو جيان او النخيل انه هو المنكرات .. لهو الجهل بعينه والله .. |
اقتباس:
تلقاه أول مايفتح شيء يروح يدور الزلات .. وتلقاه آخذ ورقة وقلم ويكتب الأشياء الدقيقة .. متناسياً ان قبتهم قبة رشيد وشارعهم شارع الصناعة يعج بالفساد والفساد والفساد .. ولو أتكلم عن فساده ومنكراته لأخذت مساحة كبيرة من صفحات هذا المنتدى .. الاسواق الشعبية أكثر شراً ولو تجاهلتموها .. لأنها تخدم مصالحكم الشخصية .. إذاً هي رخيصة فهي خيرٌ على خير , والغالي شرٌ على شر ومنكرٌ على منكر .. سبحان الله .. وتذكروا كلامي سيكون مثل افتتاح جيان , جيان والفساد وجيان والمنكرات و و و و و و .. لا أعلم ماتفسير ذلك ؟؟ فبدل وقت كتابة المواضيع لو هم كلموا الإدارة أنفع لو كان قصدهم النفع .. لا أريد ان ادخل في النيات وإن كانت واضحة .. لكن هذا الشيء علي علم الغيب .. والله اعلم .. والله يهدي الجميع .. * اعتذر منك اخي كاتب الموضوع فكلامي بهذا الرد لا أقصدك به يا عزيزي .. |
شكراً أخي مسلم على الدعوه وان شاء الله تكون في ميزان حسناتك والامر أن شاء اللله يبيتغير باذن الله والادارة تسعى الى رضاء المستهلك ولااضن ان الادارة قد طلبة من الموظف ان يتجمل
|
| الساعة الآن 02:06 am. |
Powered by vBulletin® Version 3.8.8 Alpha 1
Copyright ©2000 - 2025, vBulletin Solutions, Inc. Trans by
موقع بريدة