منتدى بريدة

منتدى بريدة (https://www.buraydh.com/forum/index.php)
-   ديوانية الشعر والأدب (https://www.buraydh.com/forum/forumdisplay.php?f=29)
-   -   مقهى الديوانيه الادبي : (https://www.buraydh.com/forum/showthread.php?t=358272)

عبدالله ون 22-12-16 09:37 am

وين انت يا مسعد صباحي بطلتك
تعال انا توي من النوم صاحي
بروي عيوني منك وافرح بشوفتك
يسعد صباحك يا محلي صباحي

أنغام 24-12-16 06:53 pm

‏دام المواقف تسجل و الليالي تدور
طبعي ليا شفت زلات الرفيق اعذره
ٰ
لو اني ألد عيني في صغار الامور
ياكم غالي وكم سنافي ابخسره..

عبدالله ون 25-12-16 02:48 pm

ابعترف لك بعد هالمده ب شي
وتعرف منه صدقي وتعرف وضوحي
ان جيتني الدنيا تجي كلها لي
وان رحت اول ما يرافقك روحي

أنغام 26-12-16 01:58 pm

‏مشغول مع غيري،وانا منشغل فيك
واسهر على شانك،وتسهر عشانه
/
كنت احسب اني غالي مثل م أغليك
واثر الغلا والظن ماهو مكانه

عبدالله ون 27-12-16 11:36 am

وش حاجتي للناس ما دمت موجود
مالي ومال الحلم دامك حقيقه

أنغام 27-12-16 02:38 pm

‏أناا المحُب العظّيم اللي إذا بشكي ؟
ازاحم الدمع ليييين يطيح من عيني .

كروومه 27-12-16 03:17 pm

عيني عليه وخاطري حيل ،،،،ملهوف
وقلبي على نكه يشد ....الرحايل
اجيه واتهجى واقرآ له....حروف
وارجع وانا فيني هموم ،،،،هوايل

عبدالله ون 28-12-16 10:06 am

ما كنت احبك بس احبك من زمان
مدري وش اللي جابك ولا رجعك
تخيل انك خوف واصبحت الامان
هذا الشعور اللي يصافيني معك

كروومه 28-12-16 07:12 pm

الله يبيض وجه الايام والضيق
زالت قناع أهل الوجيه القبيحه

أثر الشدايد فلتره للمخاليق .
تظهر لك المترديه و النطيحه "

عاشق الخير 28-12-16 07:38 pm

الصدق عنوان الهنا والمسرات
هو من خصال المؤمن الجوهريّه

أما الكذوب يعيش دنياه حسرات
ويزيد همّه كل ما زاد غيّه

كروومه 29-12-16 03:35 am

‏امـدح كـريم الطبع راع المواجيب
‏قـرمـن عـلـى زلات ربـعـه دمـحها
‏؛
‏ولا تمدح الخايب ترى مدحته عيب
‏خـل الـرخوم تموت محدن مدحها
‏،

كروومه 29-12-16 03:42 am

‏مـايضيق الـصدر لـه ربٍ كريم
‏والـلـيالي دروس وقــدار وعـبـر
‏؛
‏وان تـكلم بـالقفى رجـلً غشيم
‏بانتحلا بصمت وحسان وصبر

عبدالله ون 29-12-16 12:18 pm

ودي احطب لك ضلوعي وادفيك
والحفك بالرمش لاصرت بردان
واسكنك في عيوني ان كان يرضيك
وتصير عيني لك وطن مثل الاوطان

أنغام 29-12-16 01:13 pm

‏*

اسف على الحب والأشواق و الغيِره
وشكراً .. على كل طعنه مالها داعي

e7sas 29-12-16 04:22 pm

🍂 ..

وإِذَا الشَّدَائِدُ أَقْبَلَتْ بِجُنُودِهَا
والدَّهْرُ مِنْ بَعْدِ المَسَرَّةِ أَوْجَعَكْ

لا تَرْجُ شَيْئاً مِنْ أَخٍ أَوْ صَاحِبٍ
أَرَأَيْتَ ظِلَّكَ فِي الظَّلَامِ مَشَىٰ مَعَكْ؟

وارْفَعْ يَدَيكَ إِلَى السَّمَاءِ فَفَوقَهَا
رَبٌّ إِذَا نَادَيــتَهُ مَا ضَيـَّعَكْ

🌾 ..


الساعة الآن 05:45 pm.

Powered by vBulletin® Version 3.8.8 Alpha 1
Copyright ©2000 - 2024, vBulletin Solutions, Inc. Trans by
موقع بريدة