|
العيادات النفسية بيننا وبينهم !!!!
في كثير من الدول وخاصة الدول المتقدمة
تجد للعيادات النفسية وللطب النفسي أدوار مهمة ومؤثرة في حياتهم ومعيشتهم ولهم نظرة مختلفة عنا ، نظرة تجعل كل محتاج للمراجعة لا يتحرج منها ، نظرة تجعل المريض يخبر الزملاء والمعارف عن نتيجة المراجعة ، وما حدث بينه وبين الطبيب . لهذا تجد أنواع وأشكال من المراجعين ، تجد الاستاذ الجامعي والتاجر والرجل والمرأة والكبير والصغير . بعكس ما يوجد عندنا !!!! تجد هناك من هو بحاجة للمراجعة والجلوس مع الطبيب النفسي لسبب من الأسباب العارضة كالحزن بسبب فقد عزيز أ بسبب الحالة المادية أو الإجتماعية مثل الطلاق أو الدراسية ، أو بسبب صفة لم يستطع الخلاص منها أو بسبب ضغوط الحياة وغيرها من الأسباب ، ومع حاجته يتحرج من الزيارة بسبب نظرة المجتمع لمن يقوم بهذا !!! وأصبح من يقوم بزيارة الطبيب معرض للإتهام بالجنون أو لرمي الكلام عليه بمثل قولهم : لا يهمك فلان نفسية قبل كم يوم شفته يدخل مستشفى الصحة النفسية !!!!!! واذكر أحد الزملاء فقد زوجته وأصيب بحالة نفسية سيئة جدا ومع هذا لم يذهب للطبيب بسبب هذه النظرة الجائرة !!!! بل بعضهم ربما يتهم من يصاب باي مرض نفسي بأنه بسبب المعاصي التي وقع فيها وعليه الرجوع لربه إن أحب الشفاء . بل أعرف الكثير من المرضى بالوسواس ومع هذا يستحيل زيارتهم للطبيب بسبب مثل هذا الكلام الظالم !!! والسؤال إلى متى ونحن بهذا الجهل ؟ وإلى متى ونحن في صف التخلف ؟ وأنا والحمد الله لم يسبق لي زيارتهم لاني لم احتج لذلك بفضل الله ولكن مع هذا مستحيل أنظر نظرة سيئة لأي زائر لهم |
أعتقد أن المجتمع بدأ يتغير وبدأ يتفهم دور الطبيب النفسي وحاجة المريض له وتغيرت نظرة الناس نوعاً ما ومع الوقت سترى الكل يفصح عن زيارته ومراجعته للطبيب النفسي شكراً لك |
اقتباس:
لك مني التحية والتقدير |
لما احتاج لطبيب نفسي ماراح انظر للمجتمع وكلامهم
اهم شيء عندي (راحتي) انا اشوف ان المرض النفسي مثله مثل اي مرض عضوي ولكن علاجه مو بالعيادات النصابه علاجه بالقران والاستغفار والتقرب الى الله والتوكل عليه والارادة القوة والصبر واقصد بالصبر الصبر الجميل مو الصبر التشكي وازعاج العالم ادعوا لي ادعوا لي مثل بعض المواضع اللي تنزل بالمجلس فلان بحاجه لدعائكم ويجونك الاعضاء نسخ ولصق من اول رد بالموضوع بصراحه انا اذا مديت المصلى ورفعت يديني لربي انسى ان فيه شيء اسمه نت مو عاد عضو منزل موضوع بالمنتدى يبينا ندعي له لو الانسان يجعل اذلاله ورجائه لله بدل الناس ابرك له |
اقتباس:
وليس هناك تعارض بين العلاج بالادوية الطبية والآيات ، وهذا من فعل الأسباب التي حث عليها ديننا العظيم بارك الله فيك أختنا |
اقتباس:
الظاهر الى يوم يبعثون :( وإلا كثير من هالاعضاء أشوفهم محتاجين له |
اقتباس:
انا اقصد الازمه النفسيه كما ذكرت انت مثل فشل بالدراسه او بالحياة الاجتماعيه او وفاة عزيز مالها الا التقرب لله الطب النفسي صرف حبوب ترفع هرمون السعاده عندك وتدمن عليها لايوجد لدينا في بريدة استشارات نفسيه او جلسات فقط لابد من صرف حبوب يسهل لطبيب سرعه العلاج حتى مايصير زحمه على العيادات ثم يخسر نص المراجعين ويقل الدخل عنده |
هم مجانين بالاساس ياضمير بريده
ويصرفون علاجات تخلي الواحد مثلهم مجنون الدليل علاجات البرفسور طارق الزفت عن تجربه لأحدى المقربات لي 0 حسبي الله وكفى |
متى يفتحون عندنا عيادات نفسيه واجتماعيه راقيه زي ميدي كير يالبا قلوبهم صح مصاريفهم غاليه كثير بس مايخالف اول معرفتي بهالنوع من الطب خويتي المقربه تزوج عليها زوجها اللي تعشق التراب اللي يبطبط من شطوب رجليه تعبت حيل شوي وتموت :( جربت اخذت لها موعد عند الدكتور/ . . بنفس العيادات ورحت معها .. كنت متصوره عندهم لها عقار يهجدها عن التفكير فيه كان شرطها ماابارحها عند الطبيب دخلنا اول الحديث كنت واقفه جنبها وماسكه يدها ومن الجلسه الثانيه صرت بآخر الغرفه مسنده راسي على الجدار اسمع وش تقول ووش يقول لها ومن بعدها . . حسيت اني احتاجه يرتب لي افكاري يلفت انتباهي لزوايا اهملتها بعقلي الباطن ساعدني ذاك الدكتور بإجتياز عقبات قرار مهم ومصيري اتخذته بحياتي ولا اظن اخرى قادره انها تتخذ نفس القرار بدون اثار انسحابيه . . مفهوم ان الطب النفسي خاص بالناس اللي يطق وراهم بتنكه جهل مدقع :/ هاليومين لولا الممارسه المنتظمه للرياضه واللي نفست شوي من ضغوطي كان رحت لميدي كير ارغي عند طبيبي :/ على فكره تراهم صاروا يسوون العيادات النفسيه والاجتماعيه بمباني شيك وتعامل راقي لان زباينهم طبقات مخمليه لو حسوا باكتئاب طاروا للطبيب النفسي مو ينتظرون لين الناس تطق وراهم التنك http://vadrouilles.moto.free.fr/smileys/runaround.gif |
اقتباس:
|
اقتباس:
|
اقتباس:
|
اقتباس:
وياكثر من ذهب عقله بسبب جهلنا ونظرتنا السلبية |
اقتباس:
يؤ .. غريبه نبض انتي دايم راكده وش جاتس مادري عن حالة قريبتك بس تراهم الاطباء النفسيين ببعض الحالات يعطون المرضى ادويه وهميه ماتسوي بالواحد شي واثناء الجلسات ومع الفضفضه للطبيب يحس المريض انه طاب وخف وبعدها يركز على حاله وتعامله لين يتغير للافضل بعض الحريم تعتمد في شفاءها على العقاقير اللي يعطونها هات ياجرع وقرض بهالحبوب يعني ماتنفذ توجيهات الطبيب والتمارين الخاصه باللآوعي تحسب كلامهم خرابيط ! |
اقتباس:
اعتذر لقسوتي في متصفحك |
| الساعة الآن 11:45 pm. |
Powered by vBulletin® Version 3.8.8 Alpha 1
Copyright ©2000 - 2024, vBulletin Solutions, Inc. Trans by
موقع بريدة