|
*** بـ 25 ريالا .. يمكنك إستبدال ( صفر ) الجوال ( بخمسه ) ***
السلام عليكم ........
قررت هيئة الإتصالات وتقنية المعلومات , تخصيص النطاق ( 055 ) لشركة الإتصالات السعودية , على أن تقوم الشركة بإتاحة الخيار للمشترك لإستبدال الرقم ( صفر ) بالرقم ( 5 ) مقابل رسم مالي مقداره ( 25 ) ريالا . وقال محافظ الهيئة , الدكتور محمد بن إبراهيم السويل , في بيان صدر عن الهيئة أمس الأربعاء , أن ذلك يأتي نظرا لما لمسته الهيئة من ( رغبة الكثير من مشتركي الهاتف الجوال في إضافة الرقم خمسة بدلا من الصفر ) لأرقام هواتفهم , بعد أن كانت إضافة الصفر إلزامية في عملية الترقيم الأخيرة للهاتف الجوال . وأوضح السويل , أنه يستثنى من دفع الرسم المالي , أصحاب الأرقام المميزة . و مشيرا إلى أن هذه الخطوة ستتم بعد الإنتهاء من فصل الأرقام القديمة من الخدمة . http://www.daraldhabi.com/album/file...1085637912.jpg طيب ليش من الأول ماحطوا خمسه بدل الصفر وريحونا :for1: يعني هالشركة طالعة نازلة تأكل و لا رقيب و لا حسيب :for9: بس تدرون ليش بدلو الصفر لخمسه :confused: بمناسبة هزائم الهلال الأخيرة :for6::for6: أمزح لا أحد يزعل علي :for12: تحياتي للجميع |
حنا مغفلين او هم يستغفلوننا ؟؟!!!!!!!
صبه و احقنه قال ايش قال ..... نظرا لما لمسته الهيئة من ( رغبة الكثير من مشتركي الهاتف الجوال في إضافة الرقم خمسة بدلا من الصفر .. يبي يفهموننا انهم ديموقراطيين يحققون رغبات المشتركين . وحنا متنا نقووووووووووول خفضو ا رسوم النت والجوال ولا حياه لمن ننادي طبعا لان فيها تقليل من المبالغ اللي يتنزفونها منا وهذي حققوها ,, طبعا لان فيها زياده للمبالغ اللي يستنزفونها منا الف شكر اخي رايق |
ليش زعلانين !!!!!!!!!!!
والله هذا دليل أكيد على غلى المواطن وأهميته عند الشركة والحكومة !!!!!! ودليل على إنهم يحترمونه ويقدرونه كإنسان له فكر وعنده من المعرفة والعلم مايجعله يميز بين المسخرة والفشخرة !!!!!!! بس برضه لاتزعلوا لأن زعلكم مايحبونه !!!!! وكل عام وانتم بصفر جديد !!!!!!!!!! |
حسبنا الله ونعم الوكيل
|
هلا وغلا !
الأخ العزيز / خــــــــــــالـــــــــــد
والله مادروا عنا ننادي ولا نصوت :for9: بس تصدق إنهم حبيبين :p لو قالوا بدل ( 25 ) ريال , ( 500 ) ريال :eek: ماحد قالهم شي وراح يرضخون الناس بالنهايه :for1: تحياتي لك شاكرا مرورك الكريم |
هلا وغلا !
الأخ العزيز / الرمـــــــــادي
ومن قال إننا زعلانين :( حنا مبسوطين :o تدري ليش ؟؟؟؟؟؟؟ لأنها ب25 ريال بس :D <<<<<<<<<<< متعودين على المئات والآلاف :for10: تحياتي لك شاكرا مرورك الكريم |
هلا وغلا !
الأخ العزيز أو الأخت العزيزة / المقلوبة
صـــــــدقـــــــــت ! مانقوووووووووول إلا : حـــســـبــناالله ونــعـــم الـــوكــــيـــل تحياتي لك شاكرا مرورك الكريم |
ياجماعة الخير وش فيكم ضايقة صدوركم ؟
اللي مايبي لايدفع ! هم فرضوا هالخمسه وعشرين عشان ياكلونها ويستفيدون منها يعني نصب واحتيال بس هذا ماهوب غريب عليهم ! انا عن نفسي بدفع لهم لو يبون بكرا لان الفرق كبير بين صفر وخمسة ! يعني رقم الان هو :05515 والباقي عليكم ! المهم اذا دفعت الرسوم يبي يصير 055515 يعني اكيد يبيي صير احلى من الصفر ! وانت بالخيار يعني ماضربوا احد على يده وقالوا رح ادفع خمسة وعشرين ! تحياتي لكم وانا بعد اقول لاتزعلون ! |
هالحين حسبي الله عليهم ....
لو حنا في دوله ثانيه كان اعتذروا لوضعهم الصفر زياده على الرقم ..... لكن من قلة الحياء مسوين لك هالدعايات (((ياهلا بالصفر )) وأصلاً مايحتاج بالأصل هو غصب عليك .... اخخخ لو بس فيه شركه غيرها كانت مالقيت ولا مشترك ... شعارها السرق والنهب ومثل المنشار طالع واكل ونازل واكل ..... وزياده على هذا مافيه أي احترام للمشترك .... |
هلا وغلا !
الأخ العزيز / العريف
عارفين أخوي إن اللي مايبي لايدفع :mad: لكن حنا نتكلم عن الشركه عموما في نصبها واحتيالها على الناس :for1: وأخر هذا النصب هو ال 25 ريال الجديدة :for9: ليش ماصار التغيير من الأساس إلى رقم خمسه :confused: الله يستر يمكن يعلنون بعد مايغير الناس لخمسه ويقولون اللي يبي يغير لرقم سته ترانا مستعدين بس ب20 ريال :g5: وعلى هالحال وياقلبي لاتحزن :( تحياتي لك شاكرا مرورك الكريم |
أخي العزيز : رايق .. وبقية الإخوة هنا أسعد الله مساءكم بكل خير ( لاتصدقون ) إن شركة الاتصالات السعودية هي من سعت إلى إضافة الخمسة بدلاً من الصفر هذه كذبة كبيرة .. لا يمكن أن تمر علينا .. القصة باختصار كما يلي : شن أصحاب الأرقام المميزة هجوماً كبيراً على الشركة لحظة إعلانها إضافة صفر إجباري بعد الخمسة الأولى من كل رقم .. وبعضهم أرسل برقيات مستنكراً ومتوعداًًًًً .. رأت الشركة ( ضـرورة ) مراعاة ذلك الخطر ! حيث إن أصحاب الأرقام المميزة دفعوا فيهـا مبالغ طائلة ليست بالبسيطة ! وبعد أخذ ورد .. إتفقت شركة الإتصالات مع المرجعية الأولى لنظام الاتصالات والتقنية وهي : هيئة الاتصالات .. , وهي تختلف اختلافاً جذرياً عن شركة الاتصالات .. وعلاقتها بالشركة هي علاقة رئيس بمرؤسه ! - فقط - إتفقت على أن تمنح لشركة الاتصالات السعودية ( الشركة اللي خنا مشتركين عندها :D ) مقسم رقم 0555 ( بإبدال الصفر الأوسط خمسة لأصحاب الأرقام المميزة مجانا ) ولأن الهيئة تعرف التلاعب لاذي ستقوم به شركة الاتصالات .. - فيما بعد - إذا تركت لها الحبل على الغارب .. ! فقد اشترطت عليها أن يكون بإمكان كل من يريد أن يضيف ( خمسة ) بدلاً من الصفر متاحاً له وفق رسوم بسيطة { لا تتعدى - أبداً - رسوم التكاليف } أي : بدون أخذ أي أرباح ! والقرار هذا ( من فوق ) شركة الاتصالات .. وليس لها فيه أي اختيار بل هو إجبــــــاري .. وكانت شركة الاتصالات تنوي إبدال ( الخمسة ) مكان الصفر وفق تسعيرة ثابتة لاتقل عن مائة ريــال .. ! *** هذه شركة الاتصـالات السعودية على حقيقتها ! فشكراً لهيئة الاتصالات التي أجبرتها على إحترام شيء بسيط من حقوق المواطن ! *** مع التحية .. تقهو |
25 × 10000000 مواطن ومقيم كحد ادنى = 250000000
وبلعبه بسيطه وكلنا يوم السبت بشركة الإتصالات ندفع الرسوم لاحماية لاحماية لاحماية لحقوق ومشاعر المشتركين من هذه الشركه المحتكره للنصب والاحتيال |
والله يشين تبون تشوفونه
لاننا تعودنا على ان لانقول لا ومن يهن يسهل الهون عليه مالي جرحا بميتا ايلام غريبه مجلس الشبورة ماعترض على هذه المصخرة بعدين ياجماعة الربع الصيف على الابواب والهوامير في شركة الاتصالات محتاجين كم مليون حق الصيفية قالو مالنا الا الله ثم المواطنين لانهم مايقولن لا |
ههههههههههههههههه
ترى من القهر اضحك ياخي هالشركه ذي تستهبل ولا تحرش تشاااااااااااو |
المشكلة مو بالنصب الي محترفتة شركة الاتصالات , هذي مفروغ منه ومتفقين عليه !!!
المشكلة باللخبطة الي راح تصير لما نحتار نضيف صفر والا خمسة على أرقام معارفنا , وبالتالي : موهذا جوال فلانة ؟؟ : لا الرقم غلط !! كم راح تطلع الفواتير على هالأغلاط ؟؟؟؟ والا أنا ماتفرق عندي يضيفون صفر والا خمسة .. الي يبين من معارفي يتصل علي رقمي مميز بخمسة والا بدون !!!!!!! والي ما يتصل الا على المميز الله يساعده , ما تهم الشكليات .. والا أنا غلطانة ؟؟ |
| الساعة الآن 10:49 am. |
Powered by vBulletin® Version 3.8.8 Alpha 1
Copyright ©2000 - 2024, vBulletin Solutions, Inc. Trans by
موقع بريدة