|
http://www.orianit.edu-negev.gov.il/...es/spinx-4.jpg
انا الهرم كلي احاسيس وشعور ...................... وهذه حجارة جامدة ما بها حس هي شيدت للفرعنة صرح وقبور ..................... وقلبي زرعته للمحبين نرجس |
ارسل سلامي آرسل سلامي .. مع نسيم الصباح للصاحب اللي صار وصله صعيب من قلبي اللي .. صار كلَّه جـراح ما عاد ينفع فيه وصـف الطبيـب وين الليالي .. وين هـاك المـزاح من قبل ماحطَّـوا علينـا رقيـب حسبي على اللي .. ماسعوا بالصلاح مايرحمون اللـي صوابـه عطيـب لا تسألوني .. سرهم ما يباح في وسط عيني صورته ما تغيب |
يا انت مدري يا انا عقل مجنون
،،..،،..،،..من رتلك في آخر الليل آيه من صبني في كاسة الجرح ليمون ،،..،،..،،..او من رسم وجهي حزن بالمرايه من مد غصني للشتا وانصرف دون ،،..،،..،،..مايجمع اوراق الخريف / الحكاية كذا تركني ضيم واحساس مغبون ،،..،،..،،..عجزت ل استر ضيقتي بالعباية تعبت اقدّر ناس مايستحقون ،،..،،..،،..وان جيت، مدري ! بس بي عقل تايه! ياضيق بالي يالسهر .. بس ،، تكفون! ،،..،،..،،..خلوني ارمي ضيق صدري ورايه صبري نفذ ماعاد بي قوة متون ،،..،،..،،..ما عاد بي حيل انتطر للنهاية لا تسألوني ليه؟ او كيف , وشلون؟ ،،..،،..،،..كل الحكاية :مافهمت الحكاية ! |
بكيْتُ على الشّبابِ بدمعِ عيني..
فلم يُغنِ البُكاءُ ولا النّحيبُ فَيا أسَفاً أسِفْتُ على شَبابٍ،.. نَعاهُ الشّيبُ والرّأسُ الخَضِيبُ عريتُ منَ الشّبابِ وكنتُ غضاً.. كمَا يَعرَى منَ الوَرَقِ القَضيبُ فيَا لَيتَ الشّبابَ يَعُودُ يَوْماً،.. فأُخبرَهُ بمَا فَعَلَ المَشيبُ |
مات الحكي وأحرجني الموقف إحراج
وعجزت أعبر عن هواي إعذريني ماغير جمله حطها الخوف بسياج " قلبي يحبك حيل لا تتركيني " نطقتها أخشى أسبب لك إزعاج ولولا الغلا ماقلتها صدقيني... |
|
ماجيت أشبّع [ رّغبة الشعر ] فيني
ولا جيّت أدّور من ورى الحرف ( جمهور ) بس جيت أسولف عن بقايا حنيني وأنثر جروح القلب في .. /[ عدة سطور ] |
كثر ما يعْرَق لسانك بترديد الأغاني ..
غَرَق صوتي بترديدك .. و تجديد الأماني !! على غفلة من الترتيل .. نثرت أغلى عطور الوصل على اهدابك .. وغَفَتْ تهليل .. قاسية كلّ الأغاني .. لو تغيبي قاسية كلّ الطرق .. والمسافات .. ونصيبي ! قاسية كلّ الملامح .. و اخضر طعونك .. ووجهي لما تكْسره المرايا ..! حتي وجهك يا المدينه ..حيل ارهقني شحوبه!!! صار بغيابك ضباب !! حتى دمعي اللي تبينه .. صارت أنفاسك دروبه !! وصارت عيونك كتاب !! وليه طيّب كلّ هذا ؟ وانتي أقسى من غرس خنجر غيابه .. وانهال في وجه الأغاني .. دون ذمه .. !! قاسية كلّ الخناجر .. اللي مغروسة بصدري .. مثل بُعدك .. حيل [ فاجر ] !! كلّ هذا .. وماكفاك ؟ يا انتِ جيوش عتيدة ..!! سمّعيني .. كيف [ نبضك ] .. لمّا تشعلك الأغاني .. في غيابي ! سمّعيني .. كيف سوّت [ الشبابيك القديمة ] في عروقك ..؟ رددي أعذب شجن .. واعزفي جروحي ونادي : [ للمواعيد القديمة ] و بوح / صوتي .. من تشقّق فـ المدى .. و اشجاه ترديدك !! عِجِز يوصل .. ذرته الريح في صوتك سنابل .. و انحنى لليل .. ذابل ! كثر ما يعْرَق لساني بترديدك على لحن الأغاني .. غَرَقْ دمعي بمنديلك .. ولا ملّ الأماني !. |
الجهل بيني و بينك طايـح سـوره من مر الأيام صارت عندنا خبـره ما دام عينك من اللي صار مكسوره أجمع شموخك و خفف حدة النبـره لا شفت وجهك ليا غيرته الفـوره أشوف قلبي ليا من مل من صبـره يآخر مبالاة قلبـي و اول شعـوره شفلي سنع في غلاك و شوفلي دبره خليت نفسي مـن الايـام مقهـوره و خليت حالي لمن لا يعتبر عبـره غديت في دنيتك يمهـدي الفـوره في روضة خريم مثل مضيع الأبـره خلصت ما عاد أقاوم صدك وجـوره القلب قرب يموت و غيبتـك قبـره فراقك العـام تكفـا لا يجـي دوره صرت احسبله و فكر فيه و أعتبره ماني بناسي هذاك الطيش و غروره يوم أنك أخلت ظن فيك وش كبـره و أذاك ناسي تراها عندي الصوره أقفيت تضحك و أنا غصتني العبره |
تطيح من السماء حزمة خيوط تكسر الديجـور
.............. ويجمعهـا الفجـر ويخيـط منهـا أول ثيابـه وتبدا ضحكة الأرض إتجلى في ثغـر عصفـور ............ نفض عنه غبار الأمس وأكمل مـا تعنـا بـه وتطرق نسمة الصبح البهي شباكي المكسـور .......... تبي تبدا طقوس من الكـلام بجـو يتشابـه ! تحسب إن الجميع إن قابله بيقابلـه مسـرور ....... ولا تدري عن اللي خافي ٍ بالقلـب وأسبابـه على العادة حبيس بغرفتـي أرتـب المستـور ....... وفرشي ما وعيت الا بوقع أقدام تاطى بـه ... أثاريه الفجر يسبر مكـان ٍ مظلـم ٍ مهجـور ......... بوقت إن السواد أخفى ملامـح زخرفـة بابـه يلامس ركني الغايب عن الوعي لثلاث شهـور ............ يريد يفتش أدراج الزمـان ويعـرف مصابــه بغيت أخبره بـإن الوسـاوس تستحـل الـدور ........ ونسمات الهواء راحت تسد الديـن لأصحابـه هناك هناك في صحراء المواجع طبق الدستور ..... على قلب إنجرح وأطلق سراح العين واهدابـه حسافة يالصحيح اللي بدا يشفق عليـك النـور .. رهنت إسمك لأجل تكفي الغرام بكامل حسابـه وردت من الغضب لين استباحك والسبب مغرور ......... فلت حبل الوصـال وكسـر المجـداف بغيابـه تذكر .. كم تحملت الثقـال الموجعـة مجبـور .......... عشان العشق ورياح الغرام اللـي تهـزا بـه يقولون الأسى يوم ايتسلـل للـورق معـذور ........ لقى حبر العمر مقدي بنفـخ الكيـر وأطيابـه تلفت لي وفي كفه رسايل من زمـان الجـور ......... تبيح من الكنين اللي يهـز القلـب وأطنابـه ! رسالة من سطر واحد عليها من التعجب سور .......... تعبر عن مدى كـره القلـم لمـوادع أحبابـه تذكرنـي إذا تـاه البيـاض بزحمـة الديجـور ......... تذكرني .. إذا شفت النهـار انشقـت ثيابـه ! . . . |
ياحزينه ! دوريني في زوايا الياس ... في ياس المدينة ! دوريني في ملامح وجهك الدافي وقولي .. : قولي : وينه !؟ شاعر ٍ ماحبّته بنت و بكى ! شاعر ٍ مانسّته بنت وشكى ! شاعر ٍ يركض ورى الأحلام والأحلام تهرب من يدينه ! دوري عنّه دخيلك فـ المرايا .. في وجيه أحلى الصبايا ! في النوايا ! في الزوايا ! في الهدايا ! فالزهور اللي تحبّك .. فلها مع ياسمينه ! دوري عنّه دخيلك في صباحك ! في دموعك .. وانشراحك ..! وسط حزنك ! وارتياحك .. وسط دفتر مل من نزفه ومن دمعات عينه ! دوريه ..! فالوجيه اللي تنادي فالغيابات الوجيه ! فالحنين اللي أبيه وفالأنين اللي يبيه ! ولابكى حزنه عليه ! ولابكيتي تذكرينه ... دوريه ! في عيون أطفال مرّوا ... وابتسامه ! وسط صمته .. لاجفا صوته كلامه ..! وسط دفترك الحزين .. يوم كنتي تكتبينه .. يوم صرتي تشطبينه ! دوريه .. لاغفى سمعك على صوته ونام ! فـ السكوت وفـ الكلام ! فـ الحمام اللي بصدره يوم طيّر لك حمام ! في ملامح صبح بارد كان بيدك تشعلينه ! أسألي عنه .. يدّينك ! واسألي بينك و بينك ! كيف مرّ فـ يوم عينك لين مات احساس عينك ! وانتي عينه !! ياحزينه .. !؟ و... آتنفّس رغم هذا الضيق في صدر المدينة ..! ................... وآتبسّم حتى لو مابه ..... عصافير وأغاني ! وانتي أنتي .. مثل ماأنتي ..ولكنّك حزينة ! ................... تربكين الدمع ويل الدمع من ضيق المحاني ! صح أنا مااخترت اكون إنسان يمكن تعشقينه ! .................. بس انا ماخترت أكون إلا معاك انسان ثاني ! كنت اقول البحر ماينشد عن هموم السفينه ! .................. صرت أقول اللحين دلوني على وجه المواني ! آه .. واللي خالق ٍ بي صوت يصعب تسمعينه ! .................. ماقطفتك ( لحظة ٍ حلوة ) من أغصان الثواني ! أشبه احساسي ولاأشبه هذاك اللي ... تبينه ! .................. شاعر ٍ من ضعت عندك ضاع يوم إنه لقاني ! أشبه اللي مرّ في صدري وانا مدري حنينه .................. مثل هذا الفرح ..... هذا الجرح لامنّه بكاني ! أنسكب لك شي مثل المي ! يمكن تشربينه ! .................. وارتوي بك شعر.. مثل الشعر لامنّه .. دعاني ! مثل هذا الحزن هذا الحزن لامرّ بـ سكينه ! ................ مثل هذا النور مثل شعور من يدّي .. خذاني ! مثل هذا اللي يدوّر في يدينك .. عن يدينه ! ............... مثل هذا اللي يمرّ اللحين كل اللي .. قراني !! مثل هذا اللي يحث خطاه ماتلحق .. سنينه ! ............... مثل هذا اللي تشوفي كيف لو شفتيه جاني !؟ شاعرك لو ماتنفّس ضاق به صدر المدينة ............... شاعرك لو ماتبسّم .... كان مارفّت أغاني ! أفتحي قلبك وشوفي وش ورى دمعات عينه ................ يمكن تحسيّن باللي ماقوى ... ينطق لساني ! لايمر ّ الحزن مثل اللي يمرّ .. وفي يمينه ! ................ قلب ماتنبض سنينه مثل .. نبضات الأماني ! من يقول الصبح هذا صبح ! واشياءه حزينه ! ................ من يقول الناس مثل الناس ماحس ّ بحناني ! الحزن ماهو مثل ماشعر واحسّك .. تشعرينه ! ................. الحزن لاجيت ادور لك وانا اجهل مكاني ! ياحزنها ! رتّل معي تنهيدتي لاجف ّ فوقي مزنها ! |
هذي شهور وليالي يا مجافيني\القلب من عقب صدك زادت اسئلته وشلون قلبن يبيني ما يناديني\خبري بك اقفيت بسبة شي ما قلته وانا انتظر في زعل ودي تراضيني\باسباب كلمة غلا بعدي تساهلته وان جات للحق اعرفك ميتن فيني\دخلت قلبك وحركته وزلزلته وادري بك اقفيت عني وانت باغيني\الصعب سهل بعيونك كان سهلته |
الوقت يمضي وانا مآني بداري يوم سعيد ويوم كلهـ كآبه على الشقى والمر أنا كنت ضآري كنا ثلاثه مثل ربع وقرابهـ الفكر مقفي ومنشغل في نهاري مثل الغرير اللي دخل وسط غابه أحاول أملك كل ما في مداري لكن عجزت أصد سوره وبابه وأعيد وارجع ثم اغير مساري أخطي ودربي مدري وينه صوابه |
تجين ؟
نعكس مدى تفكيرنآ وَ نترك الـ " بعدين " ! تجين ؟ نخلي آحلآمنآ غفوه , من نومة سنين ؟ وَ لآ نفكر حتى : نصَحّي همومنا .. الي تلآزمنا بـ المآضي وَ الحين ! وَ نفكر كذآ مره : بـ " غبآء " , عشآن نعيش ضآيعين ! , سموحة وجه وَ طريق ٍ سويّ مآلنآ لآ لعب لآ غدر بـ قلوب العآبرين ! |
يامل قلب ٍ يلوعه طـاري الفرقـا كما يلوع الحمام الورق شيهانـه إن حوّلن حوّلت وإليا رقن ترقـا متعليّتهن وهي حدمـه و جيعانـه على وليفٍ نزح عن روق مع برقا عليه عيني بصاف الدمع غرقانـه أبوثمـانٍ رهـاف ودقـةٍ زرقـا موتي ولا صدته عني وهجرانـه |
| الساعة الآن 06:14 pm. |
Powered by vBulletin® Version 3.8.8 Alpha 1
Copyright ©2000 - 2025, vBulletin Solutions, Inc. Trans by
موقع بريدة