عبد الله تحية طيبة

بلا مقدمات خذ هذه الحكاية

لدي صديق بالرياض وهو استاذ جامعي يسبق اسمه حرف الدال زرته مرة هناك فقال لي هيا بنا سأريك منزلا قررت شراؤه فذهبنا الى حيث النمزل الجديد وبينما نحن نتجول فيه لاحظ احد المارة سيارتنا وانوار البيت مضاءة فدخل علينا وهو يعلي صوته خشية ان يكون فينا نساء فلما وصل الينا دار الحوار التالي بينه وبين صديقي الدكتور الساذج

[align=right]_ ماشالله انت بتشتري البيت !!؟؟

_ ايو الله

_ بكم !!؟؟

_ والله بشتريه بكذا وكذا وكذا منها دفعة مقدمة والباقي اقساط شهرية

_ كم الدفعة؟؟

_ والله الدفعة كذ ا

_ طيب وكم القسط

_ والله القسط كذا

_ عن طريق اي بنك ؟؟

_ بنك الراجحي

_ طيب ايش شايف ياخي بالراجحي ؟؟؟والله غثيثين

_ والله ياخي انا راتبي على الراجحي وطريقتهم شرعية يشترون البيت ثم يبيعونه عليك بالاقساط

_ طيب انت وين تشتغل!؟؟

_ انا اشتغل في جامعة كذا

_ ايش تشتغل ؟؟

_ والله انا استاذ في كلية كذا

_ طيب ماتعرفنا على الاسم الكريم !!؟؟؟

_ انا اسمي فلان بن فلان وهذا (اللي هو انا) صاحبي فلان بن فلان <<<< عطاه اسمي فوق البيعة من زود النصاحة

_ هه !!؟؟ ماشالله كلكم قصمان !! ايش جاب الفلان للفلان انتم نسايب !!؟؟

_ لا والله بس احنا اصحاب

_ طيب انت وش تبي بهالبيت ؟؟

_ والله ياخي اعجبني واعجبني سعره وهو قريب من الجامعة

_ طيب انت كم عيالك وكم عدد الغرف في هالبيت ؟؟

_ والله انا عيالي كذا اولاد وكذا بنات والغرف كذا تحت وكذا فوق

_ طيب ليش ما اخذت البيت اللي في الزاوية احسن من هذا على شارعين ؟؟؟

_ والله انا يوم جيت لقيت هذا بس والباقيات كلها مباعة[/align]

المهم خذ من هالاسئلة وهذا الرجال راااااااااااااايق على صاحبي الدكتور الساذج ((المحدود الذكاء البديهي))

وعندما غادر الرجل المشفوح بعد ان اخذ حاصل صاحبي قلت له يافلان انت معليش على نيااااااتك

قال والله اني عارف بس وش اسوي ما ادري وشلون اوقف اسئلته !!!

قلت له اولا كل سؤال يسألك اياه اقلبه عليه بإضافة البادئة (( وش رايك))

يعني اذا قال لك: انت بتشتري هالبيت؟؟ قل له وش رايك انت اشتريه والا لاء ؟؟ ثم هو سيغير اتجاه الاسئلة عن ماسبق بحيث يقول والله هذا راجع لك انت !! انت اللي بتشتري ... عندها قل له وعشان كذا انا اشاورك انت من اهل الحي ؟؟ وعندما يجيب بالايجاب اسأله عن الحي اسئلة متلاحقة وعندما يجيب بالسلب اسأله مالي جاء به الى هنا ؟؟ ثم استنبط من اجابته الاسئلة وهكذا الى ان تفصخه من هدومه بالاسئلة ... فقال يعني انت تقصد انه هو فصخني من هدومي بالاسئلة !! قلت نعم ولكنه عطف عليك بالاخير وابقى عليك مايوراي سوءتك !!!

قال صدقت يا خي

قلت له ان هذه النوعية من الناس تستمتع جدا بمثلك وهي اذا وجدتك امثالك لا ترحم ولا تترفق وتمارس هوايتها البجيحة بشكل فضيع لا يمكن ايقافه الا بدرجة من الذكاء البديهي التي تجعلك تستنبط نوعية الشخص المقابل بسرعة ثم تجيد بعد ذلك الالتفاف بالاسئلة ثم ادارة دفتها ويكون ذلك بمثابة الصفعة الشديدة التي تفرض مهابتك واحترامك امام هؤلاء الذين لا يفهمون معنى الاحترام الا بالصفع بجميع انواعه.....



عبد الله اسف للاطالة ولكن الحديث ذو شجون

اخي الغالي لمبة شارع


لاتستغرب فصاحبك تخصصه مختلف عن تخصص ذلك الشخص

قد لايكون هناك شهادة تمنح لمثله لكن ثق بأن هناك من يستحق اكثر من الدكتوراه في هذا التخصص وربما ذلك الشخص منهم



ويبقى السؤال الأهم ..


هل هي هوايه ام ادمان ؟


بمعنى لو تركها اصحابها هل يشعرون بالفراغ ام المرض ؟




تقبل تحياتي وتقديري ,,,