شارع الثمانين بحي مشعل وملاحظاته

[ع الشلاش]

السلام عليكم
شارع الثمانين وما أدراك ما شارع الثمانين الذي لا تعلم في أي مسار تسير تم إنارة هذا الشارع ولم يتم تخطيط المسارات ويوجد فتحة بالقرب من المحطة حيث كثرة الحوادث في هذه الفتحة لأنها قريبة من الإشارة عند الدخول مع هذه الفتحة ثم الأتجاه إلى المسار الأيسر .
ليت مسؤل السلامة يأتي مع هذا الشارع في وقت الصباح عند ذهاب الطلاب إلى المدارس
املنا تخطيط مسارات الطريق مع إغلاق الفتحة القريبة من الأشارة
شاكرين ومقدرين حسن تجاوب المسؤولين

[إبن السعوديّه]

بالفعل آمل ان يحظى بالأهتمام اللازم
وشكراً لك

[عذوق]

مشكلة هذا الشارع ازليه فمرة تعاد الارصفه ومره تزال وتغرس النخيل ثم تزال طرق الخدمة لا يوجد اسوء منها عدم وجود مداخل ارهق المواطنين شرق هذا الشارع وغربه . يوجد منطقة مرتفعه جدا امام صيدليه في الجهة الغربيه ومقر اللجنة الابتدائيه احيطت بصبات اسمنيه متحركه وكل يمر ما احد سقط من هذا الموقع نحمد الله فهل يتكرم المختصون بانهاء هذه المعاناة ..

[عمر العايد]

طريق الثمانين كله بلاوي

[عبدالملك الوشمي]

صدقت اخي ,, نعم شارع الثمانين والفوضى الهمجية لدى تخطيطاته التى نراها في أعيننا ,, والنقطه اللي ذكرتها هي الأهم لأنها مدخل شنيع وخطر ,, ونطالب الأمانه بأن يعدلوا بعض أخطائهم الامنقطعه في كل شوارع بريدة

[التـويـجـري]

ملاحظات قيمه

[عبدالله القيعاني]

تسلم والله يعطيك العااااااااااافيه

بالفعل

وكذلك طريق الخدمه من جهة الشرق وكذلك الغرب .؟....


بانتظار جديدك

تحياتي لك

[ع الشلاش]

السلام عليكم
تعليقاً على الموضوع السابق وبالأمس الساعة السادسة مساءً الموافق 11/18 حصل حادث في الفتحة المذكورة القريبة من الأشارة بين تريلة وسوزو ونيت

[|كيـــرلا..]

^^
بالفعل شاهدت الحادث وانا طالع لطريق الملك فهد
وكل يوم يستر الله علي من هاك الفتحه اللي مادري وش تبي؟؟

المشكله واللي يقهرك اكثر ان الطريق رايح جاي ماخطط !!!!!
يعني انا مادري البويه غاليه والا وش سالفتهم الله يجعل اللي تسبب بتعطيله للعقوبه ..
والمشكله الثانيه الشارع كله متشلق يعني تطلع من سيد لسيد كفراتك مهب لك ولاحظوا كم واحد موقف على جنب يبدل كفراته ؟؟؟؟

يوميآ امر مع هاك الشارع أكثر من 4 مرات واعاني منه معانات موب معقوله وكل يوم ليوم اقول ابصور الطريق وانزله بالمنتدى بس مايتهيا لي ..

ياليت اللي يمر ومعه كام يجيب لنا الارضيه وتشققات الازفلت الغريبه بهالطريق الحيوي ..

مشكور يالشلاش أديت الواجب ونصحت للعامه وباقي لنا واسطه كالعاده اغدي المسؤلين يستجيبون ويشوفون الشارع ويتذكرون انهم بالسعوديه موب بحلالهم ..

[وسط بريدة]

فقط يذهب العجب اذا عرفت ان المشرف عليه هي وزارة النقل وفرعها في القصيم الله يكرمك .

[Я ę l â ҳ ê]

شكرا لك أخي الكريم ونمتنى من مرور القصيم التحرك وتفادي الأمر ,,

تحيتي

[rafa baba]

المعاكس بح ذاته مصيبة

[ام الحلوين]

الله يستربس....
ونرجوا من المسؤلين الاهتمام

[خليجي]

تدري ليش عدم الاهتمام بهذا الطريق الجواب جداً سهل لان امير المنطقة لايستخدم هذا الطريق وإلا لرئيت العجب من الأمانة .

[|كيـــرلا..]

^^
صح لسانك ..
هذي هي المشكله تابعوا طريق الامير اللي يروح معه كثير تشوفون وشلون مضبطينهن ..
حسبي الله على من ضيع الامانه وحاس شوارعنا حوسه الله يشغله بنفسه ..

[حي المنار]

مسؤولين يفعلون ما يريدونه فقط

بغض النظر عن مصلحة المنطقة


طريق الملك فهد له سنوات وهو مكانك سر لا كباري خلصت ولا اناره ولعت

شارع المثانين بيجلس سنواااات ايضاً وهو مكانك سرررر

لا ارصفه كملت وزرعت ولا فتحات وضعت ولا عملت لها صيانه


المخرج اللي مقابل مكتبة بيت الثقافه له سنوااااااااااااااااااااااااات فيه حفره والى الان لم تردم او تسفلت



من جد الى متى؟؟؟

من جد عييييب والله عيب وصلو القمر وحنا مشاريعنا تجلس سنوااااااااااااااااااااااات ماتنتهي

[آهـــــ احمدـات]

شارع الثمانين وما ادراك ما شارع الثمانين

شكل الي ماسكن مشروعه عنده واسطه قويه ...

مثل ما تشوفون الارصفه متكسر ومتخفسه وطريقته مدري وش قايله قالبين الشارع قلب الي يذكره قبل يصلح احسن من الحين
وقطعو ارزاق اصحاب العمائر الي على الشارع شارع نازل وشارع طامن وحواجز مدري وش الله قايلبها ابصراحه قلة امانه بها الناس


الغريب الي مسوي المشروع راح وخلاه وكم اخذ يا ترى ومن الي مشاركه ..
اكيد واسطته قويه ولا تستغربون من الفساد الي عندنا احمدوو ربكم ان ارضنا رمل مهب طين كان نغرق بعد

[احمدالعلي]

يا اخوان من اراد ان يناقش هذا الموضوع او يعلق عليه فليوفرعلى نفسه ذلك فالجماعه بالامانه مشغولون باقتسام حق من عملوا فعلا بالمواقع الانتخابيه وقد حصل كبيرهم على مائة الف ومن لم يشارك اصلا ثمانون وهو الرجل الثاني بهذا الجهاز و من فتح الحساب باسمه وهو مدير الماليه اعطي اربعون الف طبعا تخبرون كتابة الشيك وتوقيعه يرهق هذا الرجل الذي (دخل في القرن) مؤخرا وصار ياخذ ما يصله ويطيطيء راسه ويا عيني على العدل وهناك اشخاص يسمعون ان فيه مجالس انتخابيه واتحداهم يعرفون مواقعها وصل لهم نصيبهم هذه هي الامانه التي يجب الا يزاحم بها المؤتمن الحقيقي (امين هذه الامه ) ابو عبيده بن الجراح . مع الاسف يتردد المواطن المغلوب على امره وتحفى قدماه لانهاء معاملته فمنها ما يضيع ومنها ما يترك لاشهرويمرمط المسكين والا عاد الواقع الميداني وتغميض العيون عن مخالفات صاحب الشركه صديق الجميع واهداؤه للامانه ثلاث سيارات جديده اخيرا فهو محل تندر الكثيرين بهذا الجهاز فهذه السيارات لا تساوى الاجزء بسيط من الغرامات التي لو طبقت لاقفلت هذه الشركه ابوابها بحكم ترسية اغلب مشاريع السفلته عليها.

[هاويك]

انتمنى يعيدون النظر فيه , لانه بصراحه يبيله زفلت جديد وتعديل بعض المرتفعات الي فيه وبعدها يحطون عيون القطط والتخطيط عشان يعرف كل واحد مساره .

وحسبنا الله على المتسبب

[قريب الوداع]

الكوبري الي قعد كل هالسنين شف وش طلع أخر شي

[الـخـشـبـه]

تعبنا كثير من اشارع لامن ناحيه

1 ازفلت الطريق
2 الخدمه التي كلها حفر
3 لايوجد خدمه تودي لي الخروج من الحي الى حي البشر الا من اخر حي مشعل من جهت الجسر

[احمدالعلي]

نرجوا الا يكون اهمال هذا الشارع وتجاهل توسلات اهالي هذا الحي هو بسبب ان التفكير منشغل بلقب معالي وترك الدرعا ترعى .. والله انهم مسؤلون فليعدوا للسؤال جوابا.

[Mr . Rayoodat]

نرجو من المسؤلين الأهتمام ..؟؟؟؟